غدت كل الحقائق واختفت لحظة برمشة عين وعين الواقع المظلوم طول الليل تبكيها يا ليت أصل المحبة جه واحد ما لها وجهين ويا ليت اصل الجروح اهي الجروح اللي نداويها ويا ليت قلوب بعض الناس ما تقبل تحب اثنين ويا ليت همومنا نقدر عن الخافي نخفيها ويا ليت الغائب اللي ننتظر يرجع يجي هالحين ويا ليت ان القصائد بعضها مسموح نلقيها ويا ليت انا نسيت اللي نسانا من ثلاث اسنين ويا ليت الكل منا لعطى كلمه يوفيها ويا ليت حروفنا تقدر تبري من حروف السين ويا ليت الكل منا لخطى خطوة يقديها ويا ليت الزين ما يجمع ويقرن له بشخص شين ويا ليت اسماعنا تسمع صدى صوت يناديها رضينا ما قسمه الله.. ودنيانا سلف مع دين ونفس مارضت مقسومها وش عاد يرضيها؟
