نشرنا في عدد الأسبوع الماضي لغزاً كتبه الشاعر الدكتور سعد بن محمد الرامي وكان نصه: أنا أباانشدك عن قاضي بلا عقل وبلا تفكير اسم ابكم وعدله في الملا ما فيه ماربه صدوق لا عطاك الحكم ما يطلم ولا قطمير وكل الناس ترضى لا حكم ميه على ميه وقد جاءتنا عشرات الحلول وبعد الفرز اكتملت شروط النشر في الحلول التالية: هلا باللغز وبراعيه.. والمشرف على التحرير لأنه ميز تراث الجزيرة ما وجد زيه وجاك الحل بالرامي.. وسامحني على التقصير ولغزك حله الميزان.. والله عالم النيه حاشم خلف الشمري الرياض هلا يا مرحبا بومحمد صاحب التفكير قرينا لغزكم والحل منا جاك عصريه هذا الميزان حكمه لا حكم عدلاً ماهو تزوير مثل ما قلت حكمه وافياً ميه على ميه محمد نماء الحربي حفرالباطن هلا يا مرحبا يا نخبة تستاهل التقدير تراحيب تعم أهل الوفا بأرض السعودية على «الميزان» مكتوبة ونبغى العذر بالتقصير ليا غبنا مشاعرنا مع الصفحة قبل حيه صويلح بن عبيسان الشيباني الرياض ألا يا مرحبا وأهلا هلا بك يا عميل الخير وهلا في صفحة فيها درر وفنون شعبية عرفت الحل يا دكتور وارسلته بلا تأخير ولاشك انه «الميزان» مابه قاضي زيه عطا الله بن سليمان العطاالله الزلفي لغزك قريته والنشاما مناعير وكم واحدن بالحل مثلي دهيه مذكور بالقرآن بآيات تسطير ميزان عدل وفاهمينه سويه فايد بن سليمان الشمري ترى لغز التراث واضح للصغير أو للكبير واهل الصنف يعرفونه وله قيمة وأهمية هو الميزان ما يهمه بحكمه كل شيء يصير على كيفه فقط وباقي الاحكام عادية مازن عبدالله الحوشاني الرياض ألا ياهل التراث أسعد لي الله وقتكم بالخير سلام الله ياهل العرف والمعروف والنية بعض الألغاز يا دكتور ما يحتاج له تفكير ولغزكم هو الميزان أكيد 100% راشد بن ناصر الشقيق الأسياح يالرَّامي رميت الحل رمية رامي للطير يجيك الحل يالطيب بيوم العيد عيديَّه القاضي هو الميزان وحكمه يصدره تأشير صدوقٍ لا وزن به يا سعد من يخلص النيه فهد بن عقيل الطويان بريدة ألا يا الشاعر الدكتوره وافي ما حصل تقصير وفيت ولا هضيت وطيبكم ماهوب عاريه ترى الميزان حل اللغز كانك تطلب التفسير وكلا سار في دربه على هجسه وطاريه عبدالهادي فهاد العرجاني الأفلاج النايفية ألا يامرحبا بأهل الوفا واللي لهم تقدير أقوله للنشاما والرجال اللي سنا فيه ترى الميزان ما يخفى علينا يا عميل الخير جميع الناس في حكمه تسير بنفس مرضية محمد بن عبدالعزيز الخنيفر أشيقر سلام الله على الدكتور وتحيه بلا تأخير عسى ربي يوفقنا بحله صحة النيه ترى الميزان هو حله وهذا ناتج التفكير يقوم ابشغلته دايم وعند الناس مرضية علي رشيد الرشيد
