محاوره

مشاركة من فهد العصيمي من الطائف (آخر طاروق) جمع بين الشاعر مطلق الثبيتي -رحمه الله- والشاعر شليويح بن شلاح وكان في حفل الجنادرية حوالي 1987م.
مطلق:
سلام الله على المهرجان ومن حضر فيه
وانا شاعر وابا اللعب واحضر مهرجانه
حصل لي في الحشا جرح مدري وش يداويه
وبعض الناس عنده من الدنيا حصانه
شليويح:
هلا يا مرحبا بالعميل الله يحييه
عميلٍ نفهم اللي يقوله من لسانه
عسى ربي يشافي المريض اللي تداويه
وانا طيّب ولا شفت ضيقه من زماني
مطلق:
شليويح المطيري عسى ربي يكافيه
كبير وشاب راسه ولا كبّ اللعانه
انا جيته مسيّر ولقّاني علابيه
ولا حتى تحرّك شويه عن مكانه
شليويح:
بلايه من عميلٍ يكثّر لي دعاويه
وباق اللي نحطّه بصندوق الامانه
اليا جانا سواتك نبا والله نقهويه
على فنجال مره وحاني زعفرانه
مطلق:
انا ماني بساطي على الفارس واربّيه
ولا يضحك علينا ولا يصهل حصانه
اليا مدّيت كفّك علينا لا تحنّيه
ترى الحنّا ليا بان في كفّك مهانه
شليويح:
بعير سرّحه صاحبي فوقه نضّويه
يحطّ الكور والاّ يبا يكرب بطانه
انا كفّي على الطايله دايم مضرّيه
ولا دقّيت به في سلوكك يالكمانه
مطلق:
يموت الزرع من بعد ما ماتت سوانيه
لو انّ الزرع زرعك ولا شاني بشانه
نبي قافٍ جديدٍ على الحضره تغنّيه
ولا نبغى علينا تعيد الاسطوانه
شليويح:
سقيت الزرع والله من الهمّال يسقيه
وأخوك اللي تعرفه نصيحٍ مع خوانه
اثر مطلق رياضي وهذا اللي محلّيه
يلين مع المعاني سوات الخيزرانه
مطلق:
ملينا الدلو لكن قطّعتوا عراويه
وشيخ القوم لقّاني الرمح بسنانه
انا ازعّل شليويح بالطاروق وارضيه
وانا لو ضقت ماله مع الشعّار خانه
شليويح:
حديثك يالمطوّع فهمنا ويش تاليه
بعد ما شاب راسك تبي دار الحضانه
تعلّمني بموضوع انا ماني بغاويه