حيّ هالتاريخ

الا يا حي ها التاريخ تاريخ أول الميزان
توحّد به كيان المملكة باسم السعوديه
بعد طول المطارد فوق كور وفوق سرج حصان
يبوج ابها الفيافي لين قص الداب والحيه
بعد لم الشتات وكل قاسي لأبو تركي لان
جزا الإحسان بالإحسان وأغضى عن هل السيه
توالفت القلوب وصاروا العدوان تقل اخوان
بعد زال التناحر والحزازة والكراهيه
وساد الامن والايمان وزانت يوم كلش زان
تمتع بالرخا والعدل والأحكام شريعه
شمخ مبناه حيث انه على التقوى اسّس البنيان
عساه بجنة الفردوس يجزا صالح النيه
ترى هذاك أخو نوره إمعزي مرعب العدوان
فتح تاريخٍ أبيض تفتخر فيه السعوديه
بعد ما أقفى تسلم دفته ربان من ربان
مشوا باللي مشى به وأصبحت دولة حضاريه
يهابونه إعداه ويستظل بظلها الصدقان
لو احصى ما قدرت احصى مواقفها الإنسانيه
نفاخر في بلدنا منبع الاسلام والايمان
بلاد طاهرة مهبط رسالات سماويه
ولا نرضى خطا المخطي لو إنه كاين من كان
تربينا على الاخلاص والملة حنيفيه
عدل وامان وأمن ومن بغى يغويهم الشيطان
عليهم حكم شرع الله ولا بالحكم ماويّه
عساها كل عام بزود خير وعز وإطمئنان
تحت حكم الزعيم اللي سعى له بالرفاهيه