أنا باتولم فوق جيب من الفكسار جديد موديله ماهبط سوق الأرباحي من الوارد اللي تو جا ما عليه خيار رفيق الطريق إليا عطا فنتق ناحي ليا من وقف والا مشا يجذب الأنظار وعلى أي درب تنتوّي وانت مرتاحي أبا اسج فوقه يوم نجد اكتسى خضار وممشى مع الروض الخضر يبري الأجراحي فياض تخالف نبتها غاط الأشجار كما زل روم ٍ نشروها للافراحي من الرايح الغربي عليه الحيا مدرار صدوق الحيا عليه من يوم ماطاحي نبي في صحاري نجد ناخد لنا مشوار من الشعب غرب وشرق لعروق الأسياحي انا أدله الخاطر عن المدن بالاسفار وعسى الله يسيرنا لما فيه الأفلاحي مداهيل حياني على ماضي الأدوار وهواها العذي كنه على صدري وشاحي ومعي من ربوعي وافي صافي صبار صديق وثيق راجح العقل مزاحي عريب نجيب كل ما عمست الابصار يذري ليا هبت زوابيع وارياحي على المتن الأيمن مجلسه مايحط يسار كما الدرع وقت الضيق يذريك الارمامي ومبات بجو خالي مابه الديار مغير الطيور الها تغاريد واصداحي وشبيت نار ٍ ضوحها يجذب المرار بجثل الفضا والامن السمر ماشاحي وقربت سود قد وشحها لهيب النار لها فوق حيد النار ممسى ومصباحي وحمست من بن اليمن غاية أهل الكار على الجمر أقالبها وبالمي لها صاحي ودقيتها باللي ليا من حرك ثار بماو ٍليا حرك لصوته ترناحي وعقب ما خذت غوشين زليت بالمبهار وسندتها من عقب ماهيلها فاحي وقربت مقداع حوى طيب الاثمار وطابت سوالفنا على انس واشراحي ولفحنا على ربعنا على الكايدات جسار كرام النفوس ليا هبا كل شحاحي أفاخر بهم بالطيب واسقي البغيض أمرار نعديبهم في كل نابي ولولاحي أهل مرحبا للضيف يوم السنين عسار على درب أهاليهم يمسون الأشباحي تكفل بهم كفيل موسى من الأشرار ورزقهم على نياتهم مذري الأرباحي ولا نيب مداح ٍ لشي وهو ما صار ولاني لعرض الغافل النار قداحي - ذيب بن متعب البراق
