يا سبت فاجيتنا والناس مرتاحة باسوا خبر موت نايف صبح بثيته رجل المواقف حكيم الراي بالساحه حتى طيور السماء بالجو ناعيته لاتنشد الناس كل الناس نواحه وأم اليتامى تصيح وجات راميته يا ليت غيره نهار يروح مرواحه ونايف بقى للعيون اللي مراعيته همه على نصرة الإسلام وإصلاحه والسنة اسس جوايزها بتثبيته العدل يستقبله ويقول بالراحه والعدل والله بنايف كثر مارايته عساه في جنة الفردوس فواحه ويحسن عزانا بنايف كل ما أطريته العيد لاتذكرونه راح بافراحه ومهلل العيد يوم العيد ما أوحيته والله مالوم الوطن والشعب لو ناحه أقوم وقعد وأمر البيت ماجيته من بعد موته سمعت كلاب نباحه والكلب معروف ولاكان سميته حنا حماة الوطن رجال بسلاحه وحكومة عادلة والبيت حاميته بندر فيصل صقر بن عميرة
