نايف عسى الجنة مقره ومثواه

قالوا توفي قلت ما زال حيا
نايف عسى الجنة مقره ومثواه
ذكراه قالوا قلت تبقى هنيا
مطبوعة بالقلب داخل حناياه
وداخل سواد العين منزل عليا
ولا لوم عيناً موقها ينتثر ماه
على الذي ما قيل مثله تهيا
مير العوض بأخوان نايف وبابناه
مثل الجبل على العواصف عصيا
وألين من الديباج للي تنصاه
نجمه صعد فوق القمر والثريا
في سيرة الأبطال تسمو سجاياه
رجل الأمن رجل الكرم والحميا
رجل المواقف خلّد المجد ذكراه
وش عاد لو قالوا لنايف سميا
ما عاد يوجد في سميه مزاياه
في جنة الفردوس يرقد هنيا
في جاه منهو كوّن الخلق وأفناه
سلامة بن زعل سطام ابو شامه