حد الجهد

واشيل لك بالقلب حشمه وتقدير
يالغالي اللّي ماحدٍ صار قده
يالصاحب اللّي ماحصل منه تقصير
اجيك كلّي واعطي الجهد حده
وابذل لك اللّي يطري النفس بالخير
ان جا عطاي بشّي نفسك توده
والا فقل لي وادفن السر في بير
ماهوب أنا اللّي يسرق الوقت وده
حبه على ماقيل كذبه وتزوير
إليا احتمل ما احتال والحمل هده
وزودٍ على التقصير يعطيك تبرير
صدقني إنّي لاسعدك كل مده
وصدقني انك مارد للتفاكير
يااللي سكنت انسان تهديك يده
قصيدةٍ تغنيك عن هرجة الغير
سعد بن مناع الشواطي