يا شامنا جرحك أصاب الملايين وهلت لها امطار الجفون الغزيره الم صاب اقصى بلاد المسلمين وزادت افكار العزيزين حيره من كل صوب نشوف دم العزيزين يراق وعيون الخلايق ضريره الين صار انهار تروي البساتين ونبت زروع الذل في كل ديره يا خادم البيتين يا ناصر الدين يالقائد الاعلى لجيش الجزيره يا حامي الاسلام بالعسر واللين يا طيب الذكر ونقي السريره بشار نذل ومنطقه منطقٍ شين موت شعبه ومات قبله ظميره تكفى يا بو متعب تحث الكريمين للخير واغاثة نفوسٍ كثيره صوت اليتامى والشيوخ المسنين ينخاك وامال الارامل كبيره الدين صاح ولا حصل له ملبين الا انت لجله سقت نفسٍ مغيره اقدم وخلفك شعب كله محبين لجلك يخوضون البحار الخطيره رد الامان لشعب في خوفه اسنين وحنا لك ادروع وحزام وذخيره احي الامل واعدل كفوف الموازين يا شامخٍ له طيب الافعال سيره يا سيدي من للنفوس المحازين عقب انعمت عنهم عيون البصيره درعى وحمص تجدد العهد لجنين ومسلسل التغريب جدد مسيره وطير السلام اصبح كسير الجناحين وزيتونة الشام الابيه كسيره والورد يشكي حسرته للرياحين خايف ولا يدري نهايه مصيره والامن تايه ما لقى له عناوين والعدل مات وقل بالارض خيره والمسجد المهجور نادى المصلين واركان الطاهر بالمصاحف منيره وصوت المؤذن تخنقه عبرة العين ينظر لساحات الديار الحسيره وانكار فعل الظلم ما له مضامين وصمت العرب ما غيرك احد يثيره صلاح يوم انه توجه لحطين قاد الجيوش ولا تاخر مسيره وانتَ يا بو متعب تحد المعادين وقص الفتن بسيوف حقٍ وشطيره يا خادم البيتين يا ناصر الدين يالقائد الاعلى لجيش الجزيره عبدالعزيز بن عبدالله السريع
