نشرنا في عدد الاسبوع الماضي لغزا كتبه الشاعر زهران عون الله المطيري وكان قصة: انشدك عن رجال له فعل مشهود يفعل كما يفعل قوى السلاحي ما قاومه منهو بذل كل مجهود ويسلم صريعه ما يجي به جراحي وجاءتنا الحلول الصحيحة التالية: النوم له وقت ولدهوب محدود يجهز علينا بالمساء والصباحي والليل فيه الناس سهار ورقود إلا اسير الهم تلقاه صاحي صويلح بن عيسان الشيباني الرياض نحمد الله ربنا الخالق المعبود منثي مزون وبرقن فوقنا لاحي والحل واضح ما يبي كثير جهود النوم نعمة من ربنا يابن شلاحي فارس علي الغيداني بريدة اللي طموحه بالعطا ماله حدود لابد ما يوم ينال النجاحي ما ينثني لو لوح «النوم» بوعود يبذل.. ويجني من ثمار الكفاحي فهد الجروان الزلفي عيدكم مبارك ياهل الطيب والجود ولاحبابنا الغالين عز وسماحي النوم الى جاء فالحذر يسلم العود وخل المسير بموترك بالصباحي محمد بن عبد العزيز الخنيفر أشيقر اهل الوفا ولصرف ولميز ولجود كسبو وسام المرجلة ولو شاحي واللي تمنى الجود والكف مظهود طير يرفرف ونكسر له جناحي والنوم يا زهران ما هوب مردود الا ان ترد اللي بها البرق لاحي محمد عبد الكريم الغزي الزلفي النوم ما يردعه مدفع وبارود ما ظنتي تردعه بأقوى سلاحي النوم خلا عيون ابن آدم رقود قاوم وحدك ترى نور الصباحي سعد مويزر البدراني الرس اللغز يا زهران له راس وعضود وافي وكامل من جميع النواحي النوم سلطاناً على الورع والعود ولى ينام آمن الهموم استراحي علي الحصني سلام مني عد ماهية النود وعداد برقاً شب نور ولاحي زهران حل اللغز واضح وموجود تنام طول الليل حتى الصباحي الحميدي شخير العنزي بريدة يا مرحبا عداد ما يخضر العود وعداد ماهبة هبوب الرياحي والنوم راحة للجسم ياهل الجود ياشين حظ اللي سهر للصباحي شبيب بن هذال بن وندان السبيعي يالله يا خلاق يا خير معبود تدلنا درب الهدى والفلاحي نويت أشارك مع هل العرف والجود «والنوم» حل اللغز والراس صاحي رشيد عفار المطيري عنيزة أهدني تحية مع سلامي لها زود لاهل التراث اللي كما الطيب فاحي اللغز وافي ما تعرض لمنقود واللي غشاه النوم بالحظ راحي علي رشيد الرشيد رياض الخبراء أهلا هلاً بك يا فتى الطيب والجود أبدعت في لغزك ابكل النواحي النوم حل اللغز والحل ماكود كم واحد من سبة النوم راحي زيد أبوزيد
