توصّي شيء..؟!

سألتك يوم كان
الوقت ظلّه فّي
توصّي شيء؟!
كأنّي.. قلت لك
وصّي على النسيان!
نسيت الليل في بابك..
خريف وبرد
وعشت أجمع مع غيابك..
غصون الورد
ذِبَل ورد الأمل فيني
وشوكه في عروق.. ايدَي
توصّي شيء؟!
من ايام التعب فيني
سألتك عن وصايانا
كأنّ الوقت نسَّانا.. نوايانا
نويت ابقى معك..
ظلّك على بابك
تعبت وتهت ف غيابك
سألتك.. بَعد ماعوّدت
توصّي شيء..؟!
بعد مامرّت الأيام وابعدنا
بعد ماخاننا حتى تباعدنا
تذكّرتك مع الهجران
بغيت أسالك:
توصّي شيء؟!
أنا في ديرة النسيان
أسامر فالسما نجمه
وأزاور فالقمر جيران
توصّي شيء..؟!
بقى لك.. لاتذكّرتك
وَعَد مني على النسيان
كأنّي قلت لك وصّي على الحرمان
حرمت النوم.. عن عيني
سَهَر وأشجان
كأنّي قلت وصّي على الهجران
هجرت الحلم في ليلي
وهَم واحزان
توصّي شيء؟
توصّي شيء؟
غير وصاية النسيان..؟!
الشاعرة - نوف بنت محمد -النجدية