يبكيه كل الشعب شايب وشبان

حزنك على سلطان سلطان سلطان
يا نجد دمعك لا يوقّف هميله
لانك فقدتي من يعزّك بالاوطان
يا نجد حزنك كايدٍ من يشيله
لانه يهد جبال في فقد الانسان
مات الذي نلقاه في كل ليله
ضحكة حجاج وفزعةٍ شانها شان
النادر الي هزنا في رحيله
الشعب كله يفقده طير حوران
من مثل بو خالد ينجّي دخيله
حامي حمانا لا كسا الجو دخان
من مثل أبو خالد يسوّي جميله
يفعل ويرجي عند مولاه الاحسان
من مثل أبو خالد عدل كل ميله
حاكم وعادل دون زورٍ وبهتان
من مثل أبو خالد يمدّ الجزيله
ريف الضعيف اللي شكا مر الازمان
راح الفقيد اللي ندر بين جيله
يبكيه كل الشعب شايب وشبان
الله يعوّض مملكتنا بديله
وتعوضه بدنياه روضات وجنان
ويحسن عزانا والمصيبه جليله
والله يصبّر عاهل الجود سلمان
ومليكنا العادل لزومٍ نجي له
نقدم تعازينا على فقد سلطان
الشاعر/ حامد حمد الغالي - الجوف