العيب رجل

اللي يميّز بالنظير ونظيره
ماهو بعيب تكون صادق وحسّاس
العيب رجل يْسفّه بْرأي غيره
رجل ٍ يطاول سحب ويساعد الناس
ورجل ٍ من وْلادتْه مكفوف خيره
ورجل ٍ يجي بإحساس ويروح بإحساس
ورجل ٍ من الخلاّق ميّت ضميره
ورجل ٍ يجي طاريه عز ونوماس
ورجل ٍ يجي طاريه بأشياء حقيره
ورجل ٍ يخاف وتظهر الخوف الانفاس
ورجل ٍ يخاف وما تبان السريره
ورجل ٍ يخمّه كل الأوقات هوجاس
ورجل ٍ صفى ذهنه بدربه ينيره
واللي مخلي عقلي اليوم يحتاس
شخص ٍ نبيه وجاتني منْه حيره
ماسك طريق أظلم وبيدينه أكباس
ويدوس للموتر وهو يستديره !!
مدري خبالة عقل أو كزّة انجاس
والا مخربها على آيات سيره
مدري على حسابي يبي فك وسواس
وإلا لجل يرضي سمير وسميره
والعلم مابيني وبينه على ساس
ماهو بعلم السالفات الأخيره
وهذي تبي تضرب على راسه أجراس
والا يروح ونبتعد عن مسيره
أحمد بن عبدالله الحريقي