تجديد بيعة

تحت راية خادم البيتين يجعلنا فداه
راية التوحيد والإسلام والحكم الرشيد
والعدل والحلم والإيمان في شرع الإله
والرخا والجود والإحسان حتى للبعيد
والوفا بالعهد والإخلاص كله للولاه
رجعتك سالم معافى عندنا مليون عيد
خادم البيتين عز المملكه قدر ٍ وجاه
فرحة الشعب برجوعك سيدي والله شهيد
إنها تجديد بيعة تحرق قلوب ٍ عداه
يحترق بالغل والأحقاد شيطان ٍ مريد
في بلاد الغرب يهذي يحسب انا من وراه
يحسب انا تابعينه ما تبعه الا بليد
مع وضوح الدرب أعمى مايشوفه من عماه
الوفا فينا طبيعه ماهي بشي ٍ جديد
عندنا مثل التنفس قلب نابض بالحياه
إن شكى ظهرك فديتك كلبونا لك عضيد
وان تألم ؛ كل فرد بمملكتنا قال آآه
يوم قمت الكل فز وقام حتى ذا الوليد
قام يمشي ويتهادى والفرح يسبق خطاه
أنت من ربك عطاك من البشر حب ٍ فريد
وانت تاج ٍ نفتخر به نرفعه فوق الجباه
نسأل الله الكريم البر لك عمر ٍ مديد
نسأله يجعل عدوك عبره لمن هو سواه
دام مجدك يا مليك الخير والعهد السعيد
دام نجمك بالوجود يشع من ضيه سماه
بدر البدور