ابو هلا

مرثية في الشيخ/ إبراهيم بن ناصر العريج - والد الزميل ناصر العريج مدير مكتب الجزيرة في حوطة سدير:
ياو الله اللي راح من نجد رجال
وانهد ركن الجود في حوطة سدير
يا والله اللي راح ممدوح الأفعال
شيخ (ن) حياته غير ومفارقه غير
أبو هلا وأقلط على كل أبوحال
النادر ابن عريج زبن المخاسير
له مجلس للضيف منصا ومدهال
ذولا ورود (ن) له وذولا مصادير
بيرق وفا كنه على القاع هشال
معروف ما يبغى محله مداوير
عدو مايملك من الجاه والمال
وصديق خطلان اليدين المناعير
كبير قدر وفالمهمات ريبال
وصغير نفس ولاحدن عنده صغير
ياعل له في جنة الخلد منزال
اللي رحل ما قد جرى منه تقصير
طيبه يبي يبقى على مر الأجيال
والناس فأرض الله شاهد وتبرير
بعض العرب ينشد عسى عنده عيال
وبعض العرب لاراح قالوا عسى خير
الشاعر/ محمد بن عبدالرحمن الفارس - روضة سدير