كل قلب وشبر غالي بوطنّا يحتريك

وشرقها تزف كل التهاني للمليك
كل شعبك يحمد اللي شفاكم ذو الجلال
الإله المعتلي ماله بفضله شريك
سيدي طهور يارمزنا وافي الخصال
كل قلب وشبر غالي بوطنّا يحتريك
شف صدى كلمتك داوي على روس الجبال
(إنت بخيرٍ دامه بخير) شعبٍ منك وفيك
جعلها عصمه من الشر يوم البأس زال
عنك ياللي كل شعبك بنفسه يفتديك
كم دعا لك مخلصٍ وافي بجوف الليال
وابتهل لله يمن بشفاء فضله عليك
الولاء مثل الوفاء ثابتٍ ما به جدال
وطاعةٍ لله ثم المليك بن المليك
دهام بن عواد الدهام – الرياض