تدلل.. بس

هلا بك يا بعد حيي وغيي يابعد روحي
مطر وغيوم وأفراح وخيال وخاطرٍ مبهول
وليلٍ فيه تكشف فرحة العشاق وتلوحي
وصال وفي الجمال الشعر غنى ياذريف الطول
ليال العشق في طلة جبينك شوحها شوحي
لك الله يوم أشوفك كن في قلبي قريع طبول
وكن الهجينة والسامري تعزف على جروحي
حبيبي والغلا لك كل ما تهوى يجي مدبول
يباشرك الغلا ويجيك صادق ما به مزوحي
تدلل بس وانته يا حبيبي كلك المدلول
تبيها صدق أقول أنه يجيك الدل مفضوحي
جمالك لو بغيت أصوره ذا شئ مش معقول
وهبك الله كل اللي بخلقك خلق مملوحي
نسيت إنك بقلبي تاخذه روحات عرض وطول
ونسيت إنك معي وأتخيلك في وين ما روحي
ونسيت انك ابو ليلٍ على روس المتون يجول
ونسيت انك ابو خدٍ شعاعه برق يلوحي
ونسيت اني اغذي مسمعي من هرجك المعسول
الذذ واستلذ بهرجك اللي ينعش الروحي
تجيك الشمس تضحك لا تضاحك وجهك المامول
هلا بك يا بعد حيي وغيي يا بعد روحي
حبيبي لاتدخل من يحبك عالم المجهول
تراني لا فقدتك قمت أهل الدمع وانوحي
فواز الديري