نشرنا في عدد الاسبوع الماضي لغزاً كتبه الشاعر صالح عبد الله الزرير التميمي وكان نصه: أنا ابا انشدك عن شي يعرفونه جميع الناس متى ما سرت يالغالي تشوفه تحت رجلينك عجيب لا انقطع راسه يجي بافمك بلا مقياس نبي حله على صفحة تراث الله لا يهينك وكالعادة وصلتنا عشرات الحلول من عشاق الالغاز الذين يجدون في «تراث الجزيرة» ضالتهم.. وكانت الحلول الصحيحة والمكتملة من كل الجوانب كما يلي: بعد ما شفت لغزك يالتميمي دق بي هوجاس وعرفت بلغزك المعروض اناديني على دينك ترى حله بلا شك الطريق بصادق الاحساس ويا واحد من الشعار فالطرقه مخاوينك ضويان الحسيني الحمادي - عرجاء هلا بك.. والامل يا صاحبي بدد ظلام الياس هلا بك.. والرضا جعله بعد يسعد لك سنينك على لغزك وتجديدك لك الله تستحق الكاس ما دام ان «الطريق» اذعن وحقق لك نياشينك فهد الجروان - الزلفي انا اقول الطريق اللي الى منك حذفت الراس يصير الريق وسط افمك وناظر حلي بعينك تشيل «الطاء» من كلمة «طريق» وينكشف لا باس على ها للغز في صوغه وشكله تسلم ايدينك راشد محمد الحجيلان - حائل هلا يالي كتبت اللغز صغته من القدم للرأس وما قصرت يا صالح وفيت وتسلم يمينك ترى الطريق هو حل اللغز يا قاطع الارماس ومن ضيع طريقه نشف ريقه والله يعينك حسن ظافر حسن الظافر الافلاج الاحمر هلا بالصفحة اللي كنها الدره بعقد الماس وهلا يا صالح بلغزك عساها تسلم يدينك تريد الحل في صفحة تراث وقلت لك لاباس ما دام ان «الطريق» اللي نشوفه شافته عينك عطا الله بن سليمان العطا الله - الزلفي ترى لغز التراث اللي لنا في صفحة القرطاس طريق لامشيته لا تهاب ان قادتك عينك طريق لا كتبته نقطع الطاحيث لها راس يجي باق الحروف الريق بفمك طالت اسنينك لولوه بنت صالح بن عبد العزيز - الربيعية اباشارك بحلي مع رجال الطيب والنوماس هذا حلي مع ارجال محل اللغز موفينك عسى يمناك تسلم يالتميمي ما يجيها الباس ترى هذا الطريق اللي ياصالح شافته عينك منير مذكر العضياني - الرياض انا لي مدة غايب ولكن يا الاخو لا باس يجيك الحل مني والجزيرة بيني وبينك ترا هذا الطريق اليا حذفت الطا قطعت الراس وبعد الحذف يبقى الريق، هذي هي مضامينك محمد بن سعد بن غشام الا يا مرحبا يا شاعر حير جميع الناس كتبت اللغز صعب يا عساها تسلم يمينك ترى لغزك «طريق» لا ركبته فاحذر الهوجاس وريقك زاد في فمك عسى ترجع لمغلينا معجب مطلق الشكرة - الافلاج ابا اجاوب على لغز الاديب بصفحة القرطاس واقول ان طال مشيك ب«الطريق» فربي يعينك عساهم ينشرون الحل.. مع من حله من الناس ودامت بالمسرة والسعد يا صالح سنينك تهاني محمد الصولي - عنيزة عساك بخير يا صالح.. وجارك كاسب النوماس لعله يعجبه وتشوف حل وافي بعينك وش احلى منك يا عقد من الياقوت والالماس حذفنا الطا حسب رسمك بها اللوحة وتلوينك محمد عبد الكريم الغزي - الزلفي هلا بك يا التميمي عد ما تكتب على القرطاس وعدد ما تستمع بذنك وتقدا الدرب في عينك قريت اللغز مثل الناس واشغل فكري الهوجاس ان كان انه طريق فكل خلق الله مقرينك ناصر عبد الله المسيمير - الرس سلام الله عليكم يا رجال نكسب النوماس واقول لكل من يبذل جهوده ربنا يعينك حروف اللغز يا صالح ليا كتبت على القرطاس حذفت الحرف الاول من طريقك تسلم يمينك قاسم خيشان الشيخ - وادي الفرع هلا بك يالتميمي يابن عبد الله صيب الرأس عسى ربي يمدك بالعوافي طولة سنينك طريق زاد في حده يصيب مجربه بنعاس وليا منك حذفت الطا تطعم ريق مسقينك عبد الاله حسن القعيري - المزاحمية قريت اللغز يا صالح وانا شوفه قوي الباس بذلت الجهد في نظمه عساها تسلم ايمينك لقيت الحل بالكلمة الى مني قطعت الراس يصير الريق ملزوم تحطه بين فكينك فالح بن غازي الحربي رياض الخبراء انا برسل لكم حل واشارك مع حلول الناس عساهم ينشرونه بالتراث اتشوفه بعينك وانا حله لقيته كان وافق عندي الاحساس طريق الناس بالصحرا وبالديرة مخاوينك طلال الغاوي - القصيم سلام الله عليكم يا بوعبد الله عريب الساس قريت اللغز بالصفحة عساها تسلم ايمينك ترى حله طريق فوقه العالم تسير اجناس بعض ناس تصبحك وتعض ناس ممسينك علي رشيد الرشيد رياض الخبراء هلا بك والمشاعر صادقة لتراث والاحساس وعلى قول بدعته قلت لك لاشلت يمينك وحل اللغز ماجا به هواجيس ولا وسواس «طريق» تسلكه يا صاحبي وتشوفه بعينك
