دام لي في نجد مدهال وقرار كل ما غرّبت واتعبني الحنين واحتواني الشوق في ذيك الديار اتجهت بوجهتي يمّك يمين اسبق الخطوة واقدمها اختصار جيرتي لك لو على شعبٍ طمين خير لي يا نجد من أية خيار الله أعلم هو متى حظي يزين وارجع لنجد الغلا نصف النهار واثق بالله وعندي كم يقين ان مالي غيرك بدنياي دار لك غلا بقلوب جل المسلمين لك مقام ولك مكانة واعتبار بين جور الوقت والجرح الدفين دمعةٍ فيها من الفرقا انكسار دمعةٍ في عيني اليمنى تبين وعبرةٍ في عيني اليسرى ونار صاح لك داعي الغلا وسط الكنين وجاوبك شوقٍ تعلق بك وطار وش عليّ لو كنتي ترابٍ وطين دامك اغلى أرض في أغلى ديار كل ما بك يبري القلب الحزين المنازل والمرابع والقفار وما علي من جور بقعا والسنين دام لي في نجد مدهال وقرار قديم الشوق
