«محاورة الأسبوع»

هذه المحاورة بين الشاعرين المعنّى البقمي وفهد المحيشير - رحمه الله - جاءت ضمن مهرجان التنشيط السياحي في أبها عام 1408ه .
المعنى:
جانا الخبر واشتقت لديار الجنوب
للشاعر اللي حاويٍ دنيا ودين
هبي علينا يا ذعاذيع الهبوب
هبي علينا من شمال ومن يمين
فهد:
أبغى أتلبس بالفرح تسعين ثوب
وأحفاد ابو تركي كعام العايلين
افعالهم من عقبها الكافر يتوب
الله يدوم بعزهم للمسلمين
المعنى:
فهد ترى دايم مع الناس امحبوب
لكن بعض الوقت يرطن له رطين
انته فهد وانا المعنى عنك صوب
اصبر فإن الله يعين الصابرين
فهد:
سولف واسولف لين يبدن الدروب
وأركد على المعنى يالين انه يبين
مادمت في حكمة مطوعة الصعوب
بالك تفكر بالهدير من الحنين
المعنى:
الله يديم الناس بيضان القلوب
اللي يحطون العنب تفاح تين
ياخي ماوصلت لمسكان الجيوب
حجوا لمكة واطلعوا راس القرين
فهد:
دنياك هذي بين غالب ومغلوب
ما طاب لك مادام لك طول السنين
الناس قالوا لبيت اخو مرة يتوب
لاشك ما طاوع لسيد المرسلين
المعنى:
يالله دخيلك عن كثيرات الذنوب
اركع لربك كان طعته ركتين
اختيار