نشرنا في عدد الاسبوع الماضي لغزاً كتبه الشاعر خلف بن غالب المريخان الحربي وكان نصه: انشدك عن حي يهل الدموعي في كل يوم يذرف الدمع سكاب ماهو حزين ولا شكى ضيم جوعي ذي سيرته والناس تجهل بالاسباب وقد وصلتنا عشرات الحلول كالعادة فاخترنا منها ما اكتملت فيه شروط النشر فجاءت كما يلي: ** بداية وصلنا حل صحيح من اخ لنا من مصر الشقيقة مقيم في مدينة الرياض هو اشرف محمد البيومي وهانحن ننشر حله بعد اجراء بعض اللمسات التي يحتاجها الحل لاستقامة الوزن فقط. الحل تمساحٍ عرف بالدموعي واضح يابن غالب لواعين الالباب يضرب مثل ل(الفهلوة) والخضوعي يا ما سمعنا «دمع تمساح كذاب» اشرف محمد البيومي مصري مقيم بالرياض *********** يا ماحلا المكشات يوم الربوعي في روضة فيها زماليق الاعشاب فيها تماسيح البراري جموعي مسلطات بالبراري على الداب هذا وانا بالحل واثق قنوعي اللغز حله جاك يا عرب الانساب محمد بن عايد الشراري الحديثة *********** لغز التراث اللي تجدد اسبوعي يا ابو حمد زاد الثنا له والاعجاب لاشك لغز اليوم عجّز افزوعي قالوا بعيد موطنه دار الاجناب تمساح مودع من ينوشه امزوعي حول النهر تخدع دموعه وينهاب فهد بن عقيل الطويان بريدة *********** اقول حل اللغز حي يروعي مسكين من هو قطعنه بالانياب تمساح كنه لابس له دروعي والدمع دايم من مقا العين سكاب عبدية الشمري حائل *********** زانت علوم اللي حسين الطبوعي والحل جاكم يا الرفاقه والاحباب اقول ان التمساح شوفه يروعي لا تغرك دموعه وفكر بالانياب محمد بن عبد العزيز الخنيفر اشيقر *********** حييت يا اللي جبت لغز السبوعي ترحيبة الصاحب لغالين الاصحاب لغزل هو التمساح شكله يروعي اللي يكشر بالطواحن والانياب فهد سويلم النصافي حفر الباطن *********** ترى التواصل من حسين الطبوعي مثل الكلام الزين لاصحاب الالباب لغزك هو التمساح حسب الرموعي الله يوفقنا على خير الاسباب ضاحي عبد الله الفريدي القصيم *********** حل رمعته بين ذيك الجموعي خذها هدية كلها عطر واطياب مضرب مثل تمساحكم بالخدوعي يظهر دموعه ثم ياكل بالانياب سعد بن مويزر البدراني الرس *********** على دروب الحل نشعل شموعي ولا خاب من شاور هل العرف واصحاب تمساح فكه للضحية قطوعي لو هل دمعه قالوا الناس كذاب مشاري خالد الدعجاني شقراء *********** لغزك يا بن غالب جميل ونوعي ويستاهل التفكير من كل الاصحاب حله هو التمساح واكبر قطوعي الموت في فكه بضرسه وبالناب نايف محمد الاسيد القريات *********** ماهقوتي تكثر عليه الدموعي ولا فيه هنداب على ذات الالباب يبدي بها (التمساح) بعض الخدوعي فطره ويعلم غيبها رب الارباب حمود العطاوي عفيف *********** اسلم سلمت.. الله لكم لا يروعي وانا ولا القاري ولا كل الاحباب الله يكافينا وكل الربوعي والسلحفاة تكب دمع بلا اسباب مبارك محمد طرجم الضعاوين وادي الدواسر *********** قلت اكتب المعنى بكيفي وطوعي وابي اعدي به على كل مرقاب واللغز حله واضح يالربوعي تمساح حله يا عريبين الانساب بنت النور الرياض *********** يا الله بنوٍّ فوق عال الضلوعي من هضبة بطويق يجرن الاشعاب تسقي ديار ضيفها ما يجوعي ماهي بدون ضيوفها تغلق الباب واللغز تمساح سنونه تروعي بين النهر والبر بديار الاجناب سعد الكثيري الحريق *********** لو يدفع التمساح طبعه بلوعي يبلع طعامه ما يهدد بمشعاب غطاس بالماء ماهر بالطلوعي لا تامنونه يا ربوعي والاحباب
