أرض الصبخ

وش فايده ما عاد ينفع رحيلك
راحن سنين وكم بعدهن مقابيل
وانت بسكون الليل يا طول ليلك
ما حشت يا كود العنى والبهاذيل
والوقت عدّا وانت يا عزتي لك
وش تحتري بين الوهم والتماثيل
ما دام عارف بالليالي حصيلك
ارض الصبخ ما زرعها به محاصيل
واذن الصقه لو صحت ما تنتخي لك
والميل ما عدلت من مايل الميل
والله لو حاولت في كل حيلك
انهض عن حلام الوهم وسرج الخيل
وصهل وخل الناس تسمع صهيلك
وارحل وجنب عن كثير الأقاويل
تنده تشوف الطايله تنحني لك
عايش العجلاني