زبدة الموضوع

الصداقة كنز والكنز لا يمكن يبور
والعلاقة مصلحة بين عقل وبين طيش
والغياب من المقاريد خير من الحضور
والحظوظ الطيبة ماتبي خيل وجيش
والخوي من الخوي كان ماشاف القصور
لاتصافح من يقول اله يوم اقفيت ليش
من تردى في مباديه تاليه الدبور
وش تبي ياطيب القلب فالقلب الغشيش
السمى لا يمكن يضيق من كثر الطيور
ولايحلق كود طير جناحه فيه ريش
والثمر لاطاب دلك على طيب الجذور
والجذور ان ماتت الغصن لايمكن يعيش
يظهر الملاس ماكان في وسط القدور
القدور اللي بعضها تناضح دون عيش
والردى لوينفع اهل الردى في كل دور
استفاد اللي يكن الحشيش من الحشيش
زبدة الموضوع ياللي تدقق فالسطور
العروش الشامخة ماتقارن بالعريش
وان جهلنا في عيال البطون من الظهور
الزمان يبين فيه الاصيل من الكديش