مشهد/ غياب

استفتي قلبي بغيبتك..
قبل أتّخذ.. أية قرار..
والاقي نفسي بسبتك..
ملّيت من طول انتظار..
ما يكفي أني انتظرت
بنجوم ليل وقايله..!!
وطيفك يجيني لا سهرت..
والشوف ما هو طايله..
عشّمتني بمحبتك..
يا ليت قلبي ما عشق..
ليته تريث واستخار..
(2)
في غيبتك.. ضاق الفضا..
وشلون صدري ما يضيق!!
لا.. اشتقت لك..
وحنّيت لك..
وحالي قضا..
وأصبحت أنا/ لنفسي صديق..
والهم بي يدهم عظامي
يا غرامي..
لا يا مرامي والأمل..
ردي الشمل/ قبل الأجل..
واستعجليه..
ردي على..
من غير كيف/ وغير ليه..
وأنسي التغلي والزعل..
(3)
في غيبتك/ فرقا أكيد
وما من جديد..
شاعر يحاول يكتبك..
متبرّي منّه.. دفتره..
قبل القصيد..
إلى تذكّرك.. أرتبك..
والبعد.. عنك.. يوتّره..
وشوقه يزيد..
(4)
في غيبتك.. ماني بخير..
خايف على.. نفسي كثير
في غيبتك..
ما لي مفر ولا..
اعتراض..
كنّي على حزّة سفر..
يم الجفاف..
وأنتي مقيمة بالرياض..
الشاعر - محمد الغرير