الأمير محمد بن نايف: السلام عليكم الأخ عبدالله المنتحر : نعم نعم الأمير محمد بن نايف:كيف الحال.. القوة المنتحر :الحمد لله كيف حالكم الأمير محمد بن نايف: بخير كل عام وانتم بخير المنتحر : وانت بخير ان شاء الله الأمير محمد بن نايف: كيف صحتك المنتحر : مبروك رمضان الأمير محمد بن نايف: الله يبارك فيك عسى ما تعبتوا المنتحر : الحمد لله الأمير محمد بن نايف: وشلون اخوك ابراهيم عساه طيب المنتحر : طيب الحمد لله الأمير محمد بن نايف: ابشرك ترى الوالد والوالدة كلهم طيبين ولله الحمد امورهم زينه وكل شي زين المنتحر: اللهم لك الحمد المنتحر: ونسأل الله عز وجل ان يتمم الأمير محمد بن نايف: اللهم آمين اللهم آمين المنتحر: عسى الله بيسّر الامور الأمير محمد بن نايف: ابد الأمور متيسرة ما دام الانسان يحط الله بين عيونه اموره متيسره المنتحر: ان شاء الله الأمير محمد بن نايف: في ذهنك شي ودك تسألني اياه المنتحر: والله علي أني اقابلك الأمير محمد بن نايف: انا وانا اخوك في جده وانت بعيد شوي محلك المنتحر: انا ودي اقابلك حتى اعطيك الموضوع كامل لك متى ما تيسرت عرفت الأمير محمد بن نايف: هو أهم شيء الان عندنا اول شيء ابسأل سؤال تجاوبني عليه جواب لأطمئن المنتحر: أبشر الأمير محمد بن نايف: طمني عن زوجه سعيد وعن الصغار عسى ماجاهم شي المنتحر: لا ابد طيبين مره اللهم لك الحمد الأمير محمد بن نايف: هذولا وانا اخوك لهم اهل فلابد تراعونهم قبل كل شي انتبه عليهم تراهم عندي اهم منكم اقولها لك بصراحه المنتحر: بيض الله وجيهكم الأمير محمد بن نايف: ابيك تطمني عنهم قبل كل شي المنتحر :اعجبنا وضوحكم معنا عرفت حتى الشباب مستغربين من تعاملكم الأمير محمد بن نايف: ليه انتم عيالنا ليش مستغربين هالتعامل المنتحر: بيض الله وجيهكم الأمير محمد بن نايف: هذا واجب احرصوا ترى الاشرار يبون يستغلونكم في كل امر حطوا الله بس بين عيونكم وتعالوا لديرتكم المنتحر: وهذا رمضان بإذن الله رمضان خير الأمير محمد بن نايف : آمين آمين ان شاء الله دائم المنتحر : والله ان شاء الله نسأل الله ان يكفينا الشر ورمضان هذا رمضان خير الأمير محمد بن نايف: آمين المنتحر : ومتفائلين ان رمضان هذا يعني بيكون نقله الأمير محمد بن نايف: يحول الله اول نقله وانا اخوك تقرعين اهلك فيك هذا اول شي .. ثانياً انا والله ماني كاذب عليك ودي المرأة هذي وعيالها يجون سالمين غانمين لأن النساء عندنا اولويه في كل شيء المنتحر : صدقت والله الأمير محمد بن نايف: والله اقولك والله يخيروني هالحين بينكم كلكم والاهم كان لا انتم اقعدوا وخلوها تجي المنتحر: صحيح والله لو تشوف كيف بنته الصغيره وكيف يوسف يعني نسأل الله ان يتممها على خير. الأمير محمد بن نايف: ان شاء الله يجون وتقر عين أهلهم فيهم والمرأه تجي عند والدها واسرتها .. فالهمام ما عندك هالحين الا الهمام تعلم اخوانك اللي بيجون قبل ما يستغلونهم الاشرار. المنتحر: باذن الله حنا نحيكم في الله وان الامور باذن الله تتم وتتيسر الأمير محمد بن نايف: ابشرك الامور زينه... وانا يهمني اهم شي تقر عين والدتك فيك ووالدك هذولا بعد مالهم ذنب.. والدك والدتك يتجلدون قدام الناس مايبون يشعرون احد أنهم متأثرين ولكن من جوه تعرف قلب الوالد. المنتحر:انت كلمتهم الأمير محمد بن نايف:والله دائم اسأل عنهم ونكلمهم بأتصال ولا لي فضل فيها. المنتحر:انا كان ودي ادق عليهم. الامير محمد بن نايف:دق عليهم اذا كان ما يأثر فيهم انهم يحكون عند احد المنتحر:هذي شي والشي الثاني ودي اكلم انا واخوي ابراهيم مره وحده الامير محمد بن نايف:احسن تدري وراه المنتحر :لان لو كلمت لحالي يمكن يخافون من شي الامير محمد بن نايف:الوالد لا ممكن يكون متفهم لكن والدتك لو تكلمها واخوك ما كلمها يتهقى فيه شي المنتحر:والله ودي اقابلك اشرح لك الوضع كامل الأمير محمد بن نايف:ابد حياك الله لك مني اذا جيت اقعد انا واياك وكل منا يعطي اللي عنده رفيقه لكن اهم شي الجماعة لايبطون ما ادري وش الاوضاع عندهم المنتحر:الجماعة قالوا الشيخ سعيد عجل تقابل انت مع الامير وتكلم بعض الشباب متخوف شوي. الامير محمد بن نايف:وش المتخوفين منه. المنتحر: مدري بعضهم متخوف. الامير محمد بن نايف: معليش محقين لكن انتم ما سألتوا عن محمد تراه طيب وبخير وفي بيته. المنتحر: جانا الخبر والحمد لله بعد الخبر ارتحت كثيراً وقالوا تكلم الامير بنفسه ويكلم الشباب وبأذن الله يعطيهم وجه الأمير محمد بن نايف: ترى الا هالحين لو فيه حق خاص ابعلمك امورنا كلنا تتبع الشريعه وقد نكون مقصرين في بعض الامور ولكن عن غير قصد وما فيه احد كامل خلني اكون معك صادق. لكن لو الانسان قاتل له كان فيه حق خاص ما اقدر اوعدك فيه لين اهل الحق يتنازلون ولكن الحمدلله اللي اعرفه الان انكم ما عندكم حقوق خاصه على احد المنتحر : فإذا قدرت بأسرع وقت ترسل طائرة او اي شي بحيت اكلم انا الشباب من عندك... لأنه اذا كلمتهم من عندك بأذن الله عز وجل خلاص بيطمئنون الامير محمد بن نايف: خلاص اللي ودك.. انت اللي تقيم هذا الوضع اذا كان الوضع ينتظر الي يوم تجيك الطياره وبتجي الله يحيك المنتحر: بيض الله وجهك .. الامير محمد بن نايف: واذا كان لا ما ينتظر لا والله الهمام على اخوانك وخلهم يجون المنتحر : اجل خلني اكلم ثامر وارد عليك الامير محمد بن نايف: لكم وشوف وشاور وانا اخوك بس اهم شي لا تكلم الوالده اللين يصير ابراهيم عندك المنتحر:ابشر .. وتكفى انك تسامحنا لانها والله انها يعني ما كانت الامير محمد بن نايف: لا تنخاني يا رجال اني اسامحك انت ولدنا وابرك ساعة نبي نكسبك وتعودون لا احد يستغلكم هذا اللي نبيه المنتحر: باذن الله
