ميلادك

حبيبي جيت ابتهندم بميلادك
وارش العطر من عطرك على ثيابي
وبلبس عقدي اللولو بأعيادك
عشان انظم بكل لولوّه خطابي
وارتب لك عناقيد الكلام آدك
صدر عذال لو شافوك من بابي
أدوزنها لحن تاتيك بأجيادك
وأشكّل من نغمها ضحكة احبابي
وبهديك الغلا ساعة على يدّك
تحسب الحب لو هي تعرف حسابي
وبملي هالمسا وقفات تعتادك
لها ذكرى لقا مرات وغيابي
وأسولف لك قصيدي يوم يرتادك
حلف لو جاوزك يتسكر كتابي
وبآخر همس تعلن حدة حيادك
وتشعل صمت يروي ظامي أهدابي
ينبهني الحكي ياهيه وش صادك
وقهوة طاحت بكفي وأعتابي
أثرني سارحة وأحلم بميلادك
على واقع صحيت الجرح بأسرابي
تذكرتك بغربة بُعد ولا عادك
تزور وأحتفل وحدي مع أسبابي
*شاعرة سعودية