ذكريات

كلٍ يغني على ليلاه
وأنا على حالي أغني
أحيان عقلي أحسّه تاه
وأحيان أفكّر وأقول: إني
حزين.. صدري مداين آه
ضايع بخت من صغر سنّي
غريب ربع وطريق وجاه
وحيد ما أحدٍ درى عنّي
غاوي شعر والزمن شلفاه
تنهش ضلوعي وتطعنيّ
وآه يا الشعر يوم أقراه
وش جاب لي وش خذا مني؟
أظماه وأشربه لين أظماه
وبأموت ظاميه لكنّي
لو ما أوزنه وأنكسر لرضاه
راحت قوافيه تلعني
في الذاكره شيّ لو أنساه
يمكني أعيش متهني
في الذاكره دمع.. لا والله
في الذاكرة طفل يغني
ليت الأماني جبل وأرقاه
وأنسى همومي وينسني
مايدري إني على ذكراه
يمكن أبقى.. ويمكني
أترك طريق الشعر وأجفاه
وأموت مأحدٍ درى عني
فهد المساعد ? شاعر سعودي