ذكرى جميلة

سولفت مع نفسي على كل مافيك
لقيت لك مسكان شعب وقبيله
وجيتك أبي منك المواصل وابهديك
عمري هديه.. والعطايا قليله
ياغاليه واكثر غلا وين أوديك؟
قولي وهاتي كل حل ووسيله
إن جيتي اغرقني حضورك تحفويك
والصد قلبي في يديني أشيله
وإن هب بغيابك معي ريح طاريك
عطرك أصيل وذكرياتك اصيله
يوم الحلا والملح والزين كاسيك
ومن آل واحساسك عطايا جزيله
إي بالله أحتاجك وأبي منك وآبيك
والبرق برقك كل يومٍ: أخيله
شاعر عيونه.. ودها تنفرد فيك
والصوت أجره بين خل وخليله
يكتبك ماسقيتي من البعد ضاميك
ويقراك مع هم الليال الطويله
ولو عاد قالو ليه غاليك: ناسيك
منساك وأنسى كل ذكرى جميله
- شاعر سعودي