كل بابٍ ما يجيك الريح منه لا تسدّه خله مشرع ومفتوح على الزمان وكل سدّ هزته نسمة رياح فقم وهدّه وش تلاقي في مناظر سد ما يعطي الامان وإن تولع خاطرك بالزين وأعطاك المودة والتفت يمك وجالك ضاحك لك بالثمان لا يغرك لو تبسم واستحى واحمر خده أو تمايل مثل غصن بلله مزنه ولان او تغطرس قايل لك ما أحد في الكون قده هو على كل البشر ما هو بإنس ولا بجان أو رسم لك قلب حبٍ واشر بعينه ويده وسط هاك القلب سهمٍ فيه اسم لك يبان الهوى سهمه كما سهم المنايا ما ترده نافذ في وسط قلبك لو تروح أي مكان خل قلبك مثل سيف لامع مصقول حده هذي أدروب المحبة كلها انذال وهوان وكل باب جاك منه الريح يوم قم وسده خله مسكر ومقفول على مر الزمان
