شرفة الموت

يا طير يا اللي لشرفة الموت شرّفت
بالله وش حدّك على الموت؟!... قل لي
هل يا ترى مثلي طفشت وتقرّفت...
من زود ما ترجع على"طير يا اللي"؟!
ما جاك ما جاني... ولا شفت ما شفت
ولا حصل لك بعض مما حصل لي
أنا عطيت لحد الإغراق وأسرفت
ولا خذيت من الزمن قد"ميلّي"
يا طير لا عزّم جناحك ورفرفت
إشلع سما... وخل الوطى قاع للي...
... يقول: أنا من جور الأيام قد خفت
لا ترحمه... خلّه يروح ويولّي
أبيك تبقى بالفضا حرّ... وإن طفت
بين المواني ولاح لك طيف خلي
قل له: فهد باقي على حاله الزفت
صابر على كثر الجفا والتغلي