دمعي شرابك

والله لو يرضيك دمعي شرابك
أسقيك من دمعي وأملّي لك الكاس
وأعصر قطارى الدمع واخذ عذابك
وأعطيك فرحة كل عروسٍ بالأعراس
اضحك... كثير الدمع شيّب شبابك
أحزنتني... وخليتني ضحكة الناس
أنا معاهم... وأنا معك فغيابك
أحكي معاهم وأنت بالفكر هوجاس
في وجه جلاب العناء... صك بابك
وأنا على قلبك حبيبٍ وحراس
أحميك لا تحزن... وأنا لك ثيابك
البس ولا تشكي بعد لبسي ألباس
أشيل عنك كل ما كان صابك
وآقيك من شيٍ تخبيّه الأنجاس
أنفاسي أنفاسك... وزادي زهابك
كل النجوم تكون في عقدك الماس
يا قمرة الدنيا... حواني جنابك
يا جوهرة مالك مثيلٍ ولا قياس