غمازتين وسلة

أشتاق لك
واوقف على مطلع شعر
قلته خبال وراق لك
وأدوّرك
أنا اذكر اني قلت لك
الشعر هذا مايليق ب ...!
وجاوبت: لكن لاق لك
شيطانة أنت
ما تحبي من بناتي إلا بنتي
اللي أنت فيها بنتي
كم صار لك يا بنتي ما عاد بيّنتي
مدري ليه
يا أنت كنت ما انت أنت يوم شفتك
والا شفتك يوم أنت ما انت كنت أنت
يا أجمل من عيون خل ينتظر خله
بغمازتين وسلة
فيها سحاب وعيد
وطيور مبتلة
والا
شفتك يوم كنت أنت
يا
نزوة جسد فيّه
آه لو تجي
تسقيني الحب الغزير
وأخذها بيديها وأطير
مدري لوين
لكن أطير
ومتى ما ينهكنا الهوى
أذوب وتذوب وتمرنا اسراب الغيوم
وأصير أنا غيمة
وتصير هي غيمة
وأسيل أنا في وادي
وتسيل في وادي
وأقول للمفرق ما حدٍ سأل
عني أو مر من حولك
ويقول لي المفرق
أسمع سراب اصوات فيها من هطولك
وأظنها كانت
لأهل ينادونك
وأصيح به تكفى
يا مفرق الوادي
أنا هنا مليت
ما دلني أصحاب
ولا دلّني غادي
قبل انطفي وأجف
خذني على بلادي