الحقيقة - نادي "بلاستيك"

بصراحة أنا مستغرب من تصريح عضو شرف ابها صالح آل حسن ... واللي يقول فيه إنو فيه ضمكاوي صور تدريب ابها بالفيديو واعطاه مدرب الهلال الكسندر ... وأنو هذا سبب الهزيمة .. بصراحة هالكلام غريب عجيب ... لان ما ظنتي مدرب الهلال يستفيد من شريط عن أبها لو يجون اللي في"هوليود"ويصورون فيلم"سينمائي"عن العامري وأبوعراد وطقتهم ... يعني لنفترض جدلاً جاء جيمس كاميرون أو مايكل مور وأخرج فيلم خاص عن تدريبات أبها شفتو إني مثقف وللي ما يعرفون هالسوالف فكاميرون هذا أخرج فيلم التايتنك ومور هذا اخرج فيلم فهرنهايت 11/9 واللي ما يعرف هالفيلمين يروح يقرأ صفحة الاعلانات الفردية ويفكني .
نرجع لأبها ... لو جاء كاميرون أو مور ... واستلف 35 كاميرا من اوربت .. و20 من ال ART ... وكملهم ب 12 كاميرا من التلفزيون السعودي ... وأرسلوا هالاشرطة كلها لمدرب الهلال .... تعتقد إنها بتفيده ... يا أخوك تراكم لاعبين مع الهلال إلين دختو ... وكلها طلعتوا هزايم ... بعدين ترا ترتيبكم في الدوري 13.
بعدين لا يكون ابها محقق بطولة أوروبا العام الماضي .. تراكم يا دوب طالعين للممتاز .. وهزيمتكم طبيعية .. بس اتركو عنكم سوالف تجسس .. وفيديو ... وخلوكم في الدي في دي .. أبركلكم ...
صراحة كنت أحسبكم نادي"حديد"طلعتوا ماش نادي"بلاستيك".. ومن أول مشكلة"تنطعجون".... الله يهديكم بس .. وسلامتكم
ابن البلد
iabalad@maktoob.com