قناديل العيون الحزينة

أوعدك
ما عاد أنا أقسى
ثاني ْوربي عليك
سامحيني يا حياتي
إنسي
خليني أنا أنسى
**
هذا عذري في عيوني
ساهرٍ للحين ممسى
أوعديني تسامحيني
وأوعدك أوفي بنذري
والله
ما عاد أنا أقسى
ثاني ْوربي عليك
**
ما أبي
تروحي تنامي
وأنتي زعلانه عليّ
خلي قلبك وسط قلبي
واهربي مني إليّ
**
والله إني
ما قصدت
أصحّي الدمع بْعيونك
وأنبش بْصدرك شجونك
صدقيني غصب
عني
**
والله من حرصي عليك
أعاتبك وأشره يا حبي
لأني أحبك يا قلبي
وأعشقك
وأموت فيك
**
أنتي لا لا تواخذيني
وأنتي أدرى الناس فيني
ماشي ع...النية معاك
على نياتي خذيني
**
الله لا يهينك... آمين
ي...أغلى من عيني اليمين
والله لا يوفقني
إن فكرت
في مره
أهينك
**
تبسمي يا شمعة القلب والليل
أضوي قناديل العيون الحزينة
يا لله عاد اتبسمي
ارسمي بسمة شفاتك
فوق خدي والجبين
وفي عيوني ارسمي