غلاء أسعار بعض المواد لم يأتي من فراغ وليس له دخل في أي أزمة عالمية أوهلالية ولكن لدى تجار هذه المواد مبرراتهم التي اقنعتني الى حد كبير ولا أدري هل سوف تقتنعون بها انتم ايضا ,ومن هذه المبررات على سبيل المثال مكعبات علف المواشي فهي تأتي مربطة بأسلاك يستفيد منها البعض في ترميم سياراتهم المفككة وتربيط شبوك زرايب الغنم وحتى ابواب بيوتهم احيانا اضافة الى انها مصدر تسلية للرعاة يصنعون منها اشكال هندسية وهذا مبرر معقول يخلينا نقتنع بالسعر الحالي للعلف وحتى لو زاد ريال او ريالين مومشكلة لكن اهم شيء الأسلاك لا تسول لهم أنفسهم يبدلونها بحبال نايلون مثلا ! ,ألشيء الثاني الشعيرماعندنا مشكلة مع سعره مادام ان البعض الآخر يستفيد من أكياسه الفاضية كبديل لأكياس القمامة (أبو ورطة ) أللي هي ايضا مرتفع سعرها على الفاضي ولا منها ذيك الفايدة ,أما الشيء الثالث واللي لنا معه ذكريات منذ مبطي فهو (القواطي) ابتداء من قواطي المعلبات الغذائية الفول والبازلاء والمشكل وشلتهم اللي لا زال البعض يستخدمها في شرب الماء من (الغرب والجرة) إلى اليوم وليس انتهاء بقواطي بودرة الحليب اللي ياما وياما عشنا معاها احلى الذكريات مع الجدات الله يخلي حيهم ويرحم ميتهم فياما دعمونا (عشرة وخمسين ومية )آه يالجدات الله يجزاكم عنا كل خير ويجعل فزعاتكم لنا في موازين حسناتكم ولو استمريت في استعراض مبررات ارتفاع الأسعارقد يطول المقام (أوي) ولكن خلونا ننهي الموضوع على شان ابغى اوصل معاكم لبيت العصيد أقصد بيت القصيد وهذا هو اللي باط جبدي (الدججججاججج)تخيلوا حتى الدجاج اللي لنا معه عشرة عمر واحنا واياه حبايب قام يرز خشمه علينا وما عاد يتنازل لأحد وحتى هو ماكان عندي معه مشكلة لوكان على الأقل يجي عبوات يستفاد منها لكن للأسف (نقز) كذا على الفاضي حتى الجلد اللي فوقه لاينوكل ولامنه فايدة..لا وابشركم سمعت داوود يطالب الدولة يدعمون تجار الدجاج! ماهو مدعوم ياباشامن زما هو انت عايزهم يدعموا كمان ؟! والله مافيه أحد مندعم الا هالمواطن الضعيف (الحمد لله على النعمة) . للتواصل: [email protected]
