(حشمت نفسي)

القاف يا اما انه سنافي وشغموم
ولا ردي ولايوردك جمك
ولا كما حرً ف.. سجاته يحوم
يرقى مشاريفه وينسيك همك
وأنا نظمت القاف من كبد ماسوم
والجرح ينزف دم من فوق كمك
مابيننا حربً مثل دولة الروم
وابنتظر في يوم ياتي مطمك
لكن إلا شفتي من الدر ونجوم
تباشري لني توجهت يمك
ضمي لسانك دام ماعندك عزوم
من قبل لاقبرك نصابه يضمك
الغيره اللي سوت بقلبك سهوم
وخلت رداة الهرج منطوق فمك
مااالي على جر الرديات ملزوم
ولااقدر اجاري بالذميمة مذمك
أنا عزيزه نفس والرأس محشوم
ويهمني ساسك اذا مايهمك
لوان قلبي من لواهيبك سموم
حشمت نفسي من تجرعت سمك