غاب القمر

في ليلة ٍ ظلما توارى قمرها
غاب القمر والناس تحتاج ضيّه
مات الذي قلوب الخلايق أسرها
مات الملك لكنّ ذكراه حيّة
فرقاه إي بالله روحي عسرها
فرقاه إي بالله ماهي شويّة
لو تجتمع كل الوجيه وصورها
مابه أحد بالخلق والله زيّه
ياكمْ لجل شعبه ليالي سهرها
ياكمْ قضاها بين روحة وجيّة
يالله ترحم من بيوتك عمرها
يالله تغفر كل ذنب وخطيّة
عسى البقى بسلمان يرقى وعرها
وحنا معه في نار ولاّ بفيّة
تقصر حروفي بالشعر وأختصرها
هذي على الطاعة تبايع يديّه