(منك السموحة)

يشاركنا للمرة الثانية الشاعر طلال الطرقي من خلال هذا النص الجديد،إقراوا طلال لتستمتعوا به وبشعره حيث يقول:
منك السموحة،كلمةً بلساني
كنت أحسبك أخر بشر ينساني
ماني مصدق ماتشوف عيوني
تسلا مع غيري وأنا وحداني
ياللي عطيتك حب مافي زيّه
حب(ن) تعدى حبيا ل إخواني
كيف أعشقك وأموت بك وأحيابك
وأكون عقب اللي ذكرته جاني
جنيت يوم إني رفعت بقدرك
ياليت لي قلب(ن)ولا يعصاني
كم قلت له ياقلب هذا خاين
صغير في حجمه ولا يسواني
ماطاعني واليوم هذا حاله
طريح في صدري ومنك يعاني
ذنبه عشق له واحد ٍ مايسوى
قليل لامن قلت به أناني
بليد حس ولانيب متحسف
عليه،دام إنه فنا وأحياني
بكرى تجيني خاضع ٍلي راسك
تقول تكفى يابعد خلاني
وأقولها لك والسموحة منك
ماني بحاجة من قدر ينساني