** لما غزة تبقى تحت القصف وكلنا متعاطفين معاها وبندعي لاهلها و نلاقي بقى كام واحد كده ف الزحمة نازلين شتيمة وسب و لعنات ع الجيش المصري مش الاسرائيلي و بيتهموا مصر بالتقصير بدل ما يتهموا الصهاينة بالتخريب والتدمير ومحروقين اوى من مصر بدل ما يمسكوا ف رقبة اسرائيل ... ( حتى بان كى مون رايح يناشد مصر بفتح المعابر بدل ما يناشد نتنياهو بوقف القصف )....يبقى ايه ؟؟!! يبقى نعرف ان الناس دى لا يهمها غزة ولا عكة ولا مكة ...ده يبقى اسمه صيد ف ميه عكرة و تصفية حسابات وتلفيق اتهامات !! قال وانا اللى كنت بستغرب ليه الفراعنة بيرسموا بنى ادمين براس حيوانات !!!؟؟! اتااارى بقى *** غمض عينيك ،،تخيل انت قاعد بتتفرج على الماتش ف البيت ولادك بيلعبوا حواليك فجأة صوت انفجار قوى هز البيت بتبص م الشباك لقيته صاروخ نزل دمر كل العربيات والشجر وفيه اشلاء بنى ادمين الناس بتجرى ف الشارع فى هلع اخدت ولادك ف حضنك ونزلت مش عارف رايح فين العيال بتعيط وصوت الصريخ ف كل مكان الدم ف كل حته صواريخ وانفجارات شمال ويمين قلبك هيقف م الخضه والخوف على عيالك لا تكون الضربه الجايه عليكو كلمة واحدة على لسانك ياااارب العيال هيموتوا م الرعب لقصف بدأ يهدا استنيت شوية وبتحاول تقف رجليك مش شايلاك قررت انك لازم تقف عشان ترجع بالعيال رايح بيهم البيت لكن هو فين البيت !! ؟؟ ما خلاص تخيلت ؟؟ فتح عنيك بقى انت دلوقتى ف بيتك وبتابع الماتش وولادك بيلعبوا حواليك حمد الله ع السلامة اللهم اكفيك شر رعب وذعر وهلع اهل غزة وسوريا والعراق اللهم قويهم على اللى هما فيه اللهم اخسف الارض ب اللى كانوا السبب ف اللى هما فيه اللهم امين اعلامية بالتلفزيون المصري
