(بعض البشر)

في أول تواصل له معنا خص الشاعر الجميل أحمد سويلم الأسحم قراء ( ملامح صبح )بقصيدته الجديدة (بعض البشر) والتي تنشر لاول مرة ومع شكرنا له ، ندعوكم لمشاركتنا قراءته والحكم لكم حيث يقول:
بعض البشر يسقيك من كاس حبة
كاس ن وتشرق لو تعرف الحقايق
هذاك من فالناس ماخاف ربة
يسوق عكس اللي له القلب سايق
ليت القلوب البيض مرة تنبه
ان الوجية البيض ماهي شقايق
لو كل شخص بلون قلبة تشبة
تغيّرت الوان بعض الخلايق
واناالذي قلبي ردا الحض كبة
ما بين لون ولون قشرالرفايق
حسّاس انا بالحيل واشعل مطبة
سهم الكلام الشين فيني حرايق
المزحة اللي شفتها لي مسبة
منها ثلاث أيام ماني بفايق
النار وسط القلب والقلب شبة
طول الثلاث أيام جلسة دقايق
والهرج مثل اللبس يعييك طبة
لا صار بين الناس ماهو بلايق
والمجلس اللي صار قلبي مشبة
في بيت منهو وردوه الوهايق
اللي معي عينة و قلبه ولبة
لا بد من دونة نشيل العوايق
الذم في بيت الوفاوالمحبة
احسن من التمجيد في بيت بايق