الخمس الوصايا

عبدالله باوصيك كم من وصيه=تلقى دليل الخير في مبتغاها
خذها معك طول الحياه المديه=واحفظ مباديها وحقق مناها
الاوله اخلص لرب البريه=اللي بحكمته العظام كساها
والمحتكم في امر القدر والمنيه=والناس يكتب فقرها وغناها
والثانيه دنياك دنيا دنيه=لاتنخدع في اللي يجي من وراها
فيها الخوي اللي يجافي خويه=وفيها فتن ماينعرف منتهاها
والثالثه عن صحبة اهل الخطيه=اللي اخوتهم قصير مداها
اللي تجدهم ينكرون الحميه=ووجيهم محد ٍ يعبر لقاها
والرابعه مد اليمين الوفيه=قدر الرجال اللي تكرم لحاها
وقدم المعروف من حسن نيه=والنفس بالخيرات زد في عطاها