( سجينة هم )

من سلطنة عمان الشقيقة تتواصل معنا لاول مرة الشاعرة بشرى الحضرمي ومع تقديرنا لحرصها وتواصلها مع ( ملامح صبح ) ندعوكم لقراءتها حيث تقول:
عايش بدونك دنيتي شبه حرمان = حامل هموم الوقت وأشكي ألتياعه
الدنيا من بعدك كوتني باحزان = ضاق الفضاء فيني رغم أتساعه
شفني سجينة هم والوقت سجان = والليل ماخذ من همومي طباعه
حتى خفوقي سارحن فيك هيمان = من كثر شوقه طاح له وسط قاعه
لا تستمع فيني حجي فلان وفلان = ماهمهم غير الكذب والإشاعه
خل الفجر في بردة الليل نعسان = خليه نايم لا تجيه بندفاعه
دام النهاية حلم في عين أنسان = عييت في طاريه ذكر القطاعه
حتى القلم لاشك ماهو بفرحان = لاجيت أبا أكتب فيه لحظة وداعه!