(يا خال)

يا خال وش سوى المرض فيك يا خال=وش صار حتى صب فيك انسجامه
الحمد للمعبود في كل الاحوال=وْإلك الدعا بانك تقوم بسلامة
عقب الصلابة صرت في ضعف الاطفال=حتى المسا ماعدت تقوى تنامه
كنت البدر واصبحت فأسبوعك هلال=كنك لزمت الكون تقضي صيامه
وفوجهك الاصفر تعابير تمثال=ما غير دمعك يختصر لي كلامه
وفكل عرق ٍ إنغرس فيه غسّال=يوصل (كِلاك) وينقل ْإلها سلامه
وتظل حتى والمرض فيك نزّال=تشعل فتيل افراحنا بابتسامه
لك عزة ٍ تمنعك لا تشكي الحال=حتى لو ان الجسم لانت عظامه
ولك قوة ٍ ما حطها الله فجبال=خارت ومهنا قوة ٍ فإستدامه
وعلى كثر ما شفت من وقتي اهوال=عليك ناح الوقت نوح الحمامه
والمشكلة ماكان يطري على بال=اني بأقول فيوم : خالي علامه؟
ويارب يا منزل تبارك والانفال=يا واحد ٍ بالكون مُعجز نظامه
ويا خالق الإنسان من طين صلصال=ويا رازقه من قبل يولد طعامه
يا كاتب ٍ عندك مواعيد الآجال=ويا عالم ٍ ميعاد يوم القيامه
يا سامع النجوى ويا هادي الضال=يا منصف ٍ من جاير الخلق ضامه
لا ما سألتك لي بنون ٍ ولا مال=أسألك خالي يْقوم لي بالسلامة