الوعي واللاوعي

تضرب عصا امطار الشتا وجنة الطين=واضحك مع الشارع لوجه الكآبه
فوق الرصيف ودون مرأى من العين=جوع القلم يسرق رغيف الكتابه
عوّضت عن صمت الاحد ..صوت الاثنين=وأقنعت كل اللي بقى من عتابه
عاشت معي أجمل وصايا القديمين=سؤال مبصر ..والعمى ف ( الاجابه )
جعلت في عيني جميع البساتين=فلاح ..في كفّي تعيش السحابه
نامت معي أكثر عقول المجانين=واستيقظت مني جيوب الغلابه
البعض يقطف من عيوني رياحين=والبعض ما يعلق عبق في ثيابه
عندي أقل الحكم للوعي .. تأبين=حاضر وقتلى في صحاري غيابه
متى يفوز الوعي في جمع قلبين=أودع لها اللاوعي سقيا سرابه