صيرفيات .. وافد شارد

تقولوا اقفلوا الابواب في وجوههم
لاتشغلوهم لا تترجوهم اهجروهم
كلام نسمعه يا ترى فهموهم
وهل فعلا بكلامهم اقنعوهم
ولا شخابيط على ورق ؟؟
خادمات سائقين هنا وهناك
في بيوت شغالين شر هلاك
ورواتبهم زياده وشروط معاك
وزاد الحال قدامك ووراك
واما هرب والا سرق ؟؟
والحلول هي فين يا جماعه
البلد مليانه في غرف وقاعه
وسوء اخلاق كأنهم بضاعه
يحسبوها بلدهم شيء فظاعه
ولاشي عندهم يفرق
فساد وسرقات وهبش
وقتل وبيوت قبور ونعش
ياهو متى بالحلول رش
زاد الحال مراره وفش
وألف قلب وقلب احترق
ارحمونا ريحونا بحل صارم
ترى بدأنا والكل عازم
بعد ما الكل قلقان نادم
نبغى حل عاجل قادم
يا ترى متى نراه ويتطبق
رايحين جايين منتشرين في الشوارع
هنا وهناك في كل الاماكن والمواقع
بلا اقامه وبعيون جريئة يتابع يراجع
المفروض بكل شده لهم نقاطع
ولاعند بعضنا ماتفرق
تصدقوا حتى وعلى عينك ياتاجر
يقيموا أفراحهم وتشوف مناظر
ياجماعه الموضوع مايسر خاطر
اجنبي بلا اقامه فورا وحالا يغادر
شوفوهم براري وتحت نفق
الخدم السائقين العمال المنتشرين
بلا اقامه قد امنا رايحين جيين ماشين
منفوخين وبلا اقامه بيننا كده عايشين
في ناس تشغلهم وبفلوسهم منعنشين
بالله ياناس هذا منطق
هيا سريعا قشعولهم واهلا بانتظام
لغير كده لا .. ترى يا بعضنا علينا ملام
خلونا نكون يد واحده باتفاق واهتمام
هيا نطبق عليهم بشده وبالاحترام
وكفانا كلام على ورق