المجموعة الثانية من موظفي الهيئة الوطنية لمكافحة الفساد يؤدون القسم الوظيفي

أدت المجموعة الثانية من موظفي الهيئة الوطنية لمكافحة الفساد , اليوم , القسم الوظيفي، أمام معالي رئيس الهيئة الأستاذ محمد بن عبدالله الشريف، بحضور عدد من مسؤولي الهيئة .
ويأتي ذلك تنفيذاً لما ينص عليه تنظيم الهيئة في مادته العاشرة بأن يؤدي موظفو الهيئة - قبل مباشرة مهماتهم أمام الرئيس القسم الوظيفي .
وأكد معالي رئيس الهيئة بهذه المناسبة المهمة على أن الموظفين الذين أدوا القسم هذا اليوم مع من سبقهم من الموظفين الذين أدوا القسم يوم الثلاثاء الماضي ، أصبحوا موظفين رسميين في الهيئة ، بعد أن كانوا يعملون في الهيئة من خلال عقود مؤقته , وأثبتوا من خلال ذلك كفاءتهم، وتحملهم للأمانة والمسؤولية .
وحث معاليه الموظفين على بذل المزيد من الجهود، لمتابعة أعمال الهيئة، وتحقيق أهدافها، وفاء بما أقسموا عليه، سائلا الله العون والتوفيق للجميع.
مما يذكر أن تنظيم الهيئة قد نص أيضا على إعداد لائحة لأداء القسم الوظيفي لبعض فئات العاملين في الدولة, وتقوم الهيئة حالياً باستكمال إعداد اللائحة ورفعها لخادم الحرمين الشريفين الملك عبدالله بن عبدالعزيز آل سعود حفظه الله .
يعني كان في مجموعة أولى..؟؟؟
يعني الموظفين الي يشتغلون بالهيئه راح يكشفون لنا فساد الوزراء
والله يا خوفي من بكرا نسمع بخير ان الموظفين فاسدين ويحتاج لهم هيئة اخرى لمكافحتهم
المهم هم التطبيق
خلاص مللنا السقي والساقي
كيف تم تعيين هؤلاء الموظفين ؟ وكيف تم اختيارهم ؟ وماهي التخصصات الواجب توفرها فيهم ؟ وهل تم الاعلان عن وظائف الهيئة كترشيح خريجين جدد بمفاضلة او منقولين من وظائف اخرى بمسابقة في مختلف وسائل الاعلام ؟ ام هي مقصورة على ابناء الذوات واصدقائهم واخوانهم والمستنفعين منهم ؟ لاننا لم نسمع ولم نرى اي اعلان عن هذه الوظائف ولا شروط الالتحاق بها ... ارجو ان لا تبدأ الهيئة الوطنية للفساد بالفساد الاداري وان يكون الاختيار متاح للجميع مع توفر المعايير المنشوره بوسائل الاعلام واتاحة الفرصة للجميع للمفاضلة ... ودمتم
سالوا طيب رجب اردوغان قال كيف ساهمت في تطور تركيا قال كلمة واحدة:
((قمعت الفساد))
اتمناء ان يتم تطبيق قانون ""اداب اللصوص"" هل تعرفون سر هذاالقانون
كانوا اللصوص اذا قام شخص من احد الاحياء باكرامهم فانهم لايسطون على ذلك الحي
اكرامً لمن قام باكرامهم
فهولاء اللصوص من نهبوا وسرقوا بالمال العام تحت اي اسم نقول اكرامً
للبلد كفوا اياديكم ويكفي مالديكم
المفروض يحلفون امام الكعبة المشرفة علشان يتذكرون عظم واجبهم وكبر الامانة الملقاه على عاتقهم
مادام تعيينهم بالواسطه وبدون نزاهة في امان الله لاجديد
طيب وش يعني ادو القسم ؟ الوزراء كلهم وغيرهم ادوا القسم قدام الملك ولنا سنين ودنين في فساد مالي واداري وخلقي بالذات من اللي يئدون القسم وظفهم على طول بدون قسم يمكن افضل ز
بعدين موظفين الفساد لا يكونون مختارينهم من طبقة الحرامية واللصوص ولازم يكون صاحب جاه ومال وشهادات عليا ما يصلح يا مسئولي الفساد لان هذي الفئة تربت على شي ... لاحول ولا قوة الا بالله ... لذا لازم يكونون كوكتيل واذا انت ياريسهم فالح اكثريتهم من الفقراء والمعوزين والمبهذلين اللي ذاقو المر وشافوا الزهداء وقد كبودهم مستويه عشان ما يخلون احد ولا يشتثنون احد وبعدين دايم الفقراء اكثر وفاء للبلاد والعباد ولولاة الامر .. ويعلم الله اننا عارفين انها هيئة داجه من اول ما اعلن عنها ونتمنى ان تخيبون هذا الظن .. رددو يابلادي واصلي
الراي السديد ليش المباحث الاداريه ماتظم لهيئة الفساد ويكون الذين يعملون بهالأن دورالمباحث الأداريه نفس الدور التي تقوم به ارجو النشر ياعاجل
مثل عسكري يعرفوه العسكر
قالوا نحن اثنين
قالوا صفوا صفين
المهم ليش مسألة القسم على دفعتين
بعد ان جلست اجول في فكري
واتامل الطبيعة واستحضر مادرست من علوم
ومع مراقبة النجوم والنيازك وبعد طول جهد
ومارست رياضة اليوغو لساعات طوال
جاء الامل مع فجر 31 من ديسمبر
وصلت للنظرية الفذه للقسم على دفعتين
المجموعه الاولى تقسم اليمن والمجموعة الثانية تسمع القسم لها
ثم تجي المجموعة الثانية تقسم اليمين والاولى تسمع القسم لها
حطونا معاكم لو مجموعة رابعة
هيأ قسم هههههههههه
طيب اللي يبي يشتغل عندهم وش يسوي !!
أنا موظف بمكان ثاني وأبي أنقل لهم هل ينفع أو لا ؟!!
ياليت تدلوني كيف ..
ما نبغى قسم ووجاهة ومحاباه نبغى عمل وشغل ,, كل يومين وانتم تقولون قسم قسم شبعنا من الأقوال ونريد الأفعال .
شوفوا الفساد الحقيقي من الشركات المساهمة مثل شركة فجر ابها التي اخذت اموال الناس بغيلر حق الله لايسامحهم الرجاء النشر والمشاركة من قبل المتضررين من هذه الشركة
كيف تعينوا اصلا.. وليه ماطرحت الوظائف عن طريق المسابقه حسبي الله ونعم الوكيل بدينا باللعب
متى
وكيف
وليش
تم تعيين الموظفين وعلى اي اساس ؟
اجل بدايتها كذا
الله يخلف
ومازال الاستخفاف بالمواطن مستمرا للابد
قال الله تعالي ( يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ)
بعض الاخوه هداهم الله يشككون ويلمزون وشغلهم من تحت لتحت ماادري وش الهدف من هذا
هل هو الحرص ام الوطنيه ام الظلم والاحساس بالظلم بدفع بالانسان في هذا الاتجاه
فل نحسن النظن بالله تعالي ونصلح مابيننا وبين الله ثم نفكر في صلاح الاخرين وقد قيل
كونوا يولا عليكم فل نهتم في هذا الجانب كلا فيما يخصه واتقوا الله مااستطعتم .
ان المقام هنا يحتم علي ان لا اضع امثالا صينيه فيكفي قول الله تعالي
ياحسررررررررررره على بلادي مكافحة الفساد لو سموها محاربة الفساد بقوة النظام كان افضل وكما هو معلوم ان المكافحه يعني معاجة الظاهر فقط ولاكن المحاربه تعني القتال والوقوف في الضد ظاهر وباطنا والمكافحه فيها نوع من التغاضي بعض الشي ارجوا ان تكونوا ياقراء هذه الصحيفه الفضلاء فهمتوا المقصد يعني من اسمها مشي حالك وبعديين انا رحت لهم قبل اربعة اشهر وواجهة السكرتي عند الباب من يوم شافني قال وش عندك قلت سلامتك ابي اقدم هنا قال منت بلاقي شي قلت الظاهر منت مدير انا ابغى شخص مسئول اتفاهم معه راني جامعي ومعاي خبرات ومعاي دبلوم عالي قال براحتك شف الموظف ذاك وانا اروح للموظف قال وش شهادتك قلت جامعي قال وش تخصصك قلت قانون ومعاي خبرات وحاسب الي ولغه انجليزيه المهم الرجال يكلمني من راس خشمه وبعد ربع ساعه من الاخذ والعطاء ومن كلامه حسيت انه يقول لاتعب نفسك قال خلاص اطلع لدور السادس واطلع لدور السادس والقى وجيه اعوذ بالله يعني ماناقص الواحد منهم الا يكتبون على وجهه فاسد مع مرتبة الشرف واشم ريحة مداهنات ومجاملات في ذا الدور وسم طال عمرك وابشرك وش صار على الموظوع اللي كلمتك عنه ومن ذا الكلام وانا اسئل واحد قلت لو سمحة وي مكتب التقديم قال اطلع قدام اخر السيب يمين اول مكتب على يسارك يوم دخلت المكتب والقى واحد اتوقع معاه كفاءه ليلي والحاسب الالي من ابو رياليين قلت ممكن الاقي عندكم مجال عمل قال وش مؤهلاتك ومن ذا الكلام قلت الحين خلاص بيقول بكره داوم عندنا ومير يطلع ورقه صفراء وهو على استحياء قال ذا الايميل ارسل له رساله فارغه ويجيك رابط التقديم قدم عليه والله يوفقك قلت جزاك الله خير وانا اطلع من عنده وانزل تحت يوم جيت عند السيكورتي قال وش صار معاك قلت كذا وكذا وهو يناظر في الورقه الي في يدي وهو يبتسم ابتسامه حسيت اني يتيم بعدها وما بقى الا يمسح على راسي قال انا علمتك روح قدم والله يوفقك ومير اروح للبيت واسجل بياناتي والحين الناس ادوالنصب قصدي القسم وانا من خمسه شهور انتظر هالاتصال الظاهر اني طولت عليكم متئسف جدا جدا بس دعواتكم لي
قال قوه قال توه ياخوان اصبرو علي الرجل عطوه فرصه يرتب اموره المهمه صعبه
والطريق اصعب الرجل مامعه عصا سحريه يحل كل المشاكل الي تدور في اذهانكم
هو جزء من الحل وليس كله .
ويحضرنا هنا قول الشاعر . يافاطري ذبي خرايم طميه - تنحري برزان زين المباني
الاخوان الي يكشكون في النتائج اقول لهم لو فرضنا ان الهيئه اعلنت بعد فتره عن
اكتشافها لمشروع وهمي بعشرين مليون واحيلت اوراق القضيه للجهات المخته وش رد
فعلكم بتقولون والله ماقصر بيض الله وجهه الموضوع مايقاس بهذه الطريقه يقاس بالمعرفه والقناعه الشخصيه عندما ترا المشاريع تنجز بشكل صحيح فانتا تكون
مقتنع ان هناك رجال ورا هذا الموضوع وانه غير مضحوك علينا وانا شعب ذكي
يفهم ويتعلم من اخطاءه بسرعه ويعالج اخطاءه بذكاء هكذا تورد الابل .
الملك عندما اختار اختار شخص غير معروف من عامة الشعب واوكل اليه
بالمهمه وطبعا المعمه معروفه مثل مكافحة المخدرات صعب القضاء عليها تماما
لاكن الحد من انتشارها 60 في الميه يعتبر نجاح باهر بكل المقاييس .
والمثل الصيني هنا يحضرنا بقوه بس نسيته
كأول إنجاز تقوم به الهيئه سجل ياتاريخ
منذ بدء عمل هذه الهيئه لم نجد قضيه واحده سجلت
لا وصاروا يطلبوا المواطن يتصل عليهم ويبلغهم
( يعني أنا بروح أنام لا شفت شي صحني )
عليكم بامانة المدنه المنوره
بلاااااااااااااااااوي زرقا
ادو الفسم على ايش ...
كل يوم نقراء بصحف عن اختلاسات ولا شفن احد مسجون ولا مشهر فيه ..
بكرة تصير مثل هيئة االرقابة والتجارة .. ومكتب العمل مع الجوازات ..
كل واحد يقولو على الثاني ..
المحاكم تقول بذمة الهيئة والهيئة تقول بذمة المباحث الاداراية .. ليت تصفي على كيف الحال ..
نبي سؤال لكل مسؤل من اين لك هذا .. وتحاكمون الكبير قبل الصغير ..
ولا استريحو من الحين
اعانكم الله لكل مافيه صلاح ونجاج لهذه الامه ...كما امل ان يتم تعيين موظفين للمكافحه الفساد في جميع قطاعات الحكوميه للوقوف على الطبيعه ومنع الفساد لانه منتشر في اغلب قطاعات الدوله ...تطبيق نظام من اين لك هذا كفيل باظهار الحقيقه التى غيبه منذ عقود من الزمن ...اسئل الله التوفيق لخادم الحرمين الشريفين وسخر له البطانه الصالحه التى تعينه على محاربه الفساد و الافساد و المفسدين اللهم امين يارب العالمين
اما ترون انه فساد بعينه انه تم تعيين بدون اعلان عن الوظائف بمعنى انها تشتغل الواسطه
ثاني شي قال يقسمون معضم المسولين بل اقول كلهم ادو القسم امام الملك ووجدالفساد ، من المفترض اختيار من في الساحه والمشهودله بالنزاهة والاخلاص والصدق مع الله وبدون قسم .
ماقصرتو ههههههههههههههههههههههههههههههههههههههههههههه
وربي انكم ماتدرون وين الله حاطكم هههههههههههههههههههههههههههههههههه
ابسال وش معنى اجتماعاتكم تكون في المغرب ودبي مهوب هذا من الفساد المادي 0 الله يصلح الاحوال 0 والمبنى كم اجاره ومن له المبنى 0 لاحول ولا قوه الى بلله
والله شي يحرق القلب ، وين التشهير وين العقوبات الصارمه بعض اصحاب المناصب العاليه وبعض الوزراء والضباط ليش ما يتم التشهير بهم وهم معروفين على الملأ ؟!
صدق ملينا قسم القسم واسم الله لا يستهان به ، يعني اللي قبلكم واللي قبلهم ما أقسموا ؟
كل الفساد اللي نشوفه يجي من مناصب كبيره وأصحابها مقسمين ، قولوا آمين :
اللهم ارزق سيدي خادم الحرمين الشريفين البطانه الصالحه التي تعينه على الخير والصلاح .
يعني وينكم عن قرارات الملك اللي تنفذت اخر القرارات ولم ينفذ اولها
وينكم عن تبيت المتعاقدين بمحو الاميه
يعني ازاحونا من جداره ولاثبتونا
بالله من يرضاها
يالله ورونا بإدارة التربية والتعليم في تأخير قرارات التثبيت
والتصريحات الكاذبه
تعبنا من الضحك ع الدقون هيه افهمو ترونا شعب واعي ومثقف ودارين بلي يصير من حولنا الي نعرفه ان الاختيار يكون من الشعب حتي ملجس الشوري يكون الاحتيار من الشعب والي الدعوه صاير الي بيخدمني ويريحني ويجي علي هواي وتحت طوعي ابحطه
الرجاء من المسؤولين عن محاربة الفساد فيبلادنا اعزها الله ان يشوفوا المساهمات العقارية التي انتشرت في البلد واكلت اموال الناس البسطاء اتمنى ان تكونوا صادقين في محاربة الفساد فعلا وتصفية الشركات المتعثرة مثل شركة فجر ابها ياليت احد يرد على هل هذه الشركة على قيد الحياة والا تفيت قبل ماتولد وهل فيه احد مظلوم مثلي من هذه الشركة افيدوني
انا اوافق تماما التعليقات اللتي تعلق على كيفية اختيار الموضفين
نرفع دعوه عليهم اول شي لان هذا الفساد بعينه
المفروض يبدأون بالميزانية كلها كذب
مليارااااااااااات والناتج زيررررررررررررررررررررررررررررررررررو
هل ورقة اجيبها من فوق ماهي الفساد لماذا لم تحاربونها ؟؟؟
فوالله ثم والله هناك موظفون مظلمون من تلك الافة المجرثمة الا وهي الواسطة ( واعني ورقة الواسطة التي يجيبونها المعارف والاقرباء لااقربائهم من فلان ال فلان وفلانه ال فلان وطال عمرك وحبت خشم وهذه كلها لما بها من ظلم وحشرجة بالنفوس وغل وتعب نفسي وحالة نفسية سيئه وحقد تزرع بنفوس الضعفاء الذي لايملكون واسطة لايملكون الا رحمة الله .
موظفون لهم خبرة بالعمل منذ اكثر من 25 عام وغزاهم الشيب تقف ترقياتهم اكثر من 4 ترقيات يستحقونها وتجمد دوراتهم وتعطي لااهل الواسطات وعندما يتكلم تلك الفقير الى الله الى مديرة لماذا فلان اخذ ترقية ودورة ومنصب ولسه بالعمل جديد يرد المدير يمتلك واسطة من فلان ال وواسطة من اقربائه الواصل وبتلك الامر والتوصية حصل على مايريد على حساب ظلم الاخرين فمن المسئول امام الله يوم الزحف عن تلك الافه والامر والتوصيات لظلم اهل الخبرات وظلم الموظفون منذ 25 عام موظف لم يكمل 10 سنوات يصبح مدير على الاقدمية اهل الخبرات والشهادة نفس الشهادة ولكن الظلم وارد من تلك الاوراق التي تعطي لظلم المواطنين من المسئول
نرجو من والدنا خادم الحرمين الشريفين يشدد على اهل الواسطات وعدم اعطاء اي مواطن ورقة توصية او امر لحساب ظلم غيره وترقيته والصعود على اكتاف الفقراء الى الله بتلك التوصية او الورقة من فلان ال فلان ولا فلانه ال فلان وطال عمرك وحبت الايدي لما فيها من ظلم عظيم واقسم بالله العظيم فيها ظلم عظيم عظيم لا يعلمه الا الله وفيها من الحقد وحشرجة النفوس والكراهية لذا نرجو معالجة تلك الواسطات بتلك اوراق اوراق التوصيات والاوامر وطال عمرك