أعضاء شورى قلقون من "تنظيم" زواج السعوديين بأجنبيات

لفت عضو في مجلس الشورى أمس إلى أن فتح باب الزواج لغير السعوديين من السعوديات قد لا يصب في مصلحة الوطن مستقبلاً، محذرا من النتائج السلبية التي ستترتب عليه.
وسرد الدكتور طلال بكري بعض النتائج السلبية، ومنها زيادة عدد العمالة الوافدة، وتقاطر عدد الراغبين في الزواج من السعوديات، ليس من أجل سواد عيونهن بل للحصول على الجنسية وتحسين أوضاعهم، وظهور مشكلات نسب جديدة والهروب بالأبناء.
وعبر بكري عن اعتقاده أن التنظيم لا يصب في مصلحة الوطن بوضعه الحالي، ويعالج جزءا من المشكلة، ولكنه يغفل الجزء الأهم، وهو ما يترتب من نتائج سلبية تخص الأولاد، مشيراً إلى أنه سيضيف مشكلة جديدة إلى مشكلاتنا الحالية. ودعا المجلس إلى عدم التسرع في إقرار التنظيم.
جاء ذلك خلال مناقشة المجلس أمس مشروع تنظيم زواج السعودي بغير السعودية، والسعودية بغير السعودي، المقدم من اللجنة الخاصة التي تم تشكيلها لدراسة مشروع التنظيم التي عقدت 18 اجتماعا لمناقشته.
وذكرت اللجنة في تقريرها أنها سعت إلى الإلمام بمختلف الجوانب الشرعية والاجتماعية والإنسانية والاقتصادية والأمنية مراعاة لطرفي الزواج وأبنائهم.
وأبدى عدد من أعضاء المجلس أمس ملاحظاتهم بشأن مشروع تنظيم زواج السعوديين بغيرهم، كما أسمته اللجنة الخاصة بالمجلس.
وأوضح الدكتور خليل البراهيم أن النظام لم يحدد أهدافه، هل هو السماح أم التنظيم أم المنع بشأن الزواج، منتقدا عدم معالجته مشكلة الزواج غير النظامي، وأنه يوحي بأن لدينا منتجا جاهزا، ويطالب غير السعوديين بالزواج من السعوديات.
وجاء رأي الدكتور أحمد آل مفرح مختلفاً، إذ طالب بإضافة فقرة لمن يرغب بالزواج من السعوديات بألا يكون متعاطياً للمخدرات. وانتقد الدكتور خالد العواد النظام، وتساءل: هل سيحقق الأهداف التي أنشئ من أجلها؟.
ولفت إلى أن فيه ثغرات، منها أنه يسمح للسعودي بالزواج من غير السعودية المولودة بالمملكة من أبوين غير سعوديين. وشدد على ضرورة تحديد مدة زمنية للإقامة، ولكنه دعا إلى حذف الفقرة التي تسمح للسعوديين بالزواج من مواطني دول التعاون.
واقترح المهندس عبدالرحمن اليامي حصر السماح بالزواج الوارد في المادة الثالثة على الوزراء وأعضاء مجلس الشورى وأعضاء السلك الدبلوماسي.
وقال: لا يجب أن يدفع الأبناء الثمن لما قد يسمى "بالغلطة" في الزواج بغير السعودية أو العكس، لذلك يجب تسجيلهم وإعطاؤهم مميزات الأبناء السعوديين.
ويأتي المشروع الذي انفردت "الوطن" بنشره في وقت سابق في 12 مادة، تهدف في مجملها إلى حفظ مصالح المواطنين من الجنسين، نظرا لما لذلك من تأثير وانعكاس على الأمن الاجتماعي والاستقرار الأسري.
انا مع كلام البكري
والله مافيه من ورا زواج السعوديات الا المصلحه فقط
مثلنا حنا نروح لسوريا ولمصر وتركيا نتزوج الشقر الحمر بس وعيالنا هناك ماندري عنهم
يعني اشباع رغبات ومصلحه
والاجانب بيسوون فينا اكثر بعد ,, والله ان يطبون بالنعمه ولا حد يقول وين انتم راييحن ,, وتعالوا بعدين شكلو لجان لضم الاسر المتغيب عنها عائئلها ,, وتعال يالضمن الاجتماعي اضف عوايل بالالف متغيب عنها ابوها وتاركها ورايح لديرته... وكأني بهم يقولون لنا (( اقصد الاجانب))
كناهم يقولون لنا كما تدرين تدان والجزاء من جنس العمل))
ادعموا الشباب بالماده والتعليم والثقافه والله ماتلقون وحده عانننس ابدا
انا والله لو عندي ماده للتزوج اربع حريم
يانااس ترى الدعوه ماده بس ماااااده ياهوووه ياعالم الدعوه ماااده
فكو روحكم ياجماعة الخير يالله انتحمل السعودية وشلون الاجنبية
خلون نحل المشاكل كيف نصل الحل
والحريم واحد بس فيه أختلف بسيط !!!!!
بس مو قدر المتاعب اللي تبي تجاي من الاجنبية(( بسبب الاختلاف))
يا اخوتنا فى مجلس الشوري انتم مأتمنون من قبل مولانا خادم الحرمين الشريفين وولى عهده الامين والنائب الثاني على الاخلاص لابناء الوطن فلا تخونوا الامانة التي اتمنتم عليها ان قراركم هذا يعني وضع السم بالغذاء وسيكون مصير الوطن الى الهاويه كما هو حاصل بالبحرين شركات باسم الزوجات الاجنبيات او الازواج الاجانب وجل اهاليهم من بلدانهم ليسيطروا على البلد ويحصل مالا يحمد عقباه مضاهرات ومخدرات ومراقص وانحراف وووووو لا نريد اجانب الحمد لله على نعمت الامن والامان وانا اقول لاعضاء مجلس الشورى المحترمين بدل فتح مثل هذه المواضيع التي عالجتها سلفا وزارة الداخليهافتحوا تحسين المعيشه ورفع حالة الفقر عن المواطنين بالذات من خدموا الدولة واصبحوا حاليا برواتب متدنيه لا يستطيعوا معالجة وضعهم ووضع اسرهم الاقتصاديه برواتب 1750 ريال اقول تعودوا من الشيطان ولا تجنسوا لنا احدا
ياسلام وراه يامجلس الشورى ماتناقشون زواج السعوديه باجنبي
او بس همكم مصلحتكم ووناستكم
الحين شوفو كم بنت عندكم عانس ماتزوجت بقراركم هذا راح ترتفع نسبة العنوسه عاد السعودييين ماصدقو خبر فتحتو لهم المجال ...
سبحان الله بدل مانفكر في دراسة المهور وتحديد اجار صالات الآفراح للتيسير على شبابنا مشكلة العنوسة للجنسين/ نفكر في تغريب بناتنا وتزويحهم من غرباء هل لدينا فائض الكثير من العماله يرغب ان يفتك من الكفيل ويتمنى ان تكون كفيلته (المدام) حتى البنجلادش صحيح من قال من عاش رجب لرجب يشوف في هذه الدنياء عجب فرصة لكم يااجانب تاخذ جنسية لامشكله 000 تكون نسيب لآنك جلست باللملكة 15سنه الكثير من الآجانب أقام بيننا اكثر من 20سنه ويذهب اجازة ومتزوج وعنده اولاد /اضن والله اعلم ان هذا دواء اوعلاج حيث من الممكن ان تعارض زوجته ان يعمل زوجها في السعودية خوفا من الزواج بسعودية عليها اتمنى ذلك حيث ان الآجانب اخذو وضائف شبابنا هل حان الآن ان يأخذو بناتنا وشبابنا يمنع عنه الزواج من الخارج المفروض ان كل سعودي يتزوج 4 حتى لوتكلفت الدولة مهور ال 3 ليكثر النسل ونستغني عن استقدام الآجانب حتى الهندوسي قله تتزوج سعودية رفيق لازم يكون انت مسلم والله ان كل الهندوس والبوذيين كلهم يسلموء ولوحتى على الورق حفاضا على المصلحة عزالله ان هذا القرار هو غاية مايتمنى الكثيير من الآجانب
والسعودي إلى متزوج من اجنبية ومن مواليد السعودية وتعلمت في السعودية
والزواج تم بموافقة من وزارة الداخلية ولى اكثر من خمسة سنوات وإلى الأن لم تحصل على الجنسية مع العلم بأن المعاملة كاملة ومستوفاه وأحيلت إلى الرياض وبعد سنة وعدة أشهر عادت المعاملة ومحلك سر
وموظف المختص يفيد أنه هناك تعليمات جديدة ولى أكثر من ثمان شهور أو تزيد ( مر علينا كل بعد شهر )
وإلى متى و الوضع كما هو عليه ليس هناك حل للموضوع
سؤال لمن يهمة الأمر
ياسبق العزيزة اليس عنوان المقال يتكلم زواج الآجانب بسعوديات لقد كتب بالعكس ربماطابع المقال اجنبي ومن الفرحهه تخربط بكره يطلب نقل كفالته على المدام وش رايكم
قال غلطه قال
يا اخي كل واحد حر في نفسه يتزوج اللي يبي
مابقى الا يتحكمون في ز........
والمسؤلين حلال عليهم حرام علينا
نبي نتمتع بحياتنا بالحلال
انا دخت ونا ادور زوجه ثانيه سعوديه والمضحك في مواقع الزواج ان كل المطلقات والارامل يرفضن المتزوجين لا وتلقى معها عيال بعد وعمرها فوق الثلاثين
انا عن نفسي الحين خاطب اجنبيه عمرها 17 سنه وجميله وان شاء الله بتزوجها زوجه ثانيه
ذبحتونا بالقيودقيود في قيود مابقى الا تربطوننا
ممنوع الزواج من الاجنبيه الا بشروط
ممنوع السفر للدولة الفلانيه
ممنوع السرعه
ممنوع دخول العزاب كنت اعاني منها
ممنوع ممنوع ممنوع ...........
الواحد مايحس انه حر الا اذا طلع برا عشان كذا تلقى البلد فاضيه باجازة الصيف
انا مع حفظ حقوق الاولاد ومنحهم الجنسيه
انشري يااااعجل
مالي الا أقول حسبي الله و نعم الوكيل ....
قال الله تعالى: يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ {الحجرات:13}، وقال النبي صلى الله عليه وسلم: إن الله قد أذهب عنكم عُبِيَّة الجاهلية وفخرها بالآباء.... أنتم بنو آدم وآدم من تراب... رواه أبو داود وحسنه الألباني.
قوله تعالى" يا أيها الذين امنوا لا يسخر قوم من قوم عسى إن يكونوا خيرا منهم ولا نساء من نساء عسى إن يكن خيرا منهن"
من هذا المنطق فهم المسلمون المساواة وعملوا بها وترفعوا عن العنصرية وهكذا يجب إن يترفع المجتمع المسلم عن العنصرية بكل إشكالها ليست العنصرية فقط كما يظن كثير من الناس احتقار أو انتقاص أصحاب البشرة السوداء ولكن العنصرية اليوم قد انتشرت بعدة صور وأشكال، من هذه الأشكال على سبيل المثال التمييز العنصري بسبب المنطقة الجغرافية التي ينتمي إليها الإنسان أو التفرقة بسبب المهنة فقد انتشر في بعض المجتمعات المسلمة (بالذات السعودية و الخليجية) احتقار بعض المهن والتعامل مع من يعمل فيها بأنه محتقر فلا يزوج ولا يعطى المكانة اللائقة له في المجتمع.
الكل معرض لان يكون عنصريا على من دونه من البشر فالا تجرنا العنصرية إلى المهالك وتتبعوا تاريخ الحروب والفتن عبر التاريخ بل من بداية الخليقة عندما أمر الله إبليس إن يسجد لأدم ماذا قال" إنا خبر منه" أول خطاب عنصري تفاخر به الشيطان على أدم بسبب نوع الخليقة لأنه أعتقد أن النار أفضل من الطين ، ثم تلت هذه الحادثة بين الشيطان وبين بني البشر العداء والحرب ثم انطلقت بن البشر أنفسهم ، فإذا الكل مخلوق من طين أو من ماء مهين فلماذا نتعالى على بعضنا أم ان هناك طينة ذهبية وطينة ترابية؟ إن المبدأ الرباني اذا هو المساواة بين البشر والمبدأ الشيطاني "إنا خير منه" واترك لكم الخيار فهل ستكونون مع المنهج الرباني أم مع مبدأ إبليس؟؟
والآن انا أسأل اصحاب القرار (اللي يفترض انهم عاقلين مو بس مجموعة شيبان راعين بعارين)
بأي وجه حق تفكر بقرار زي كذا....انا متأكد ان المليك حفظه الله و سماحة مفتى عام المملكة العربية السعودية ما يجيوبن قرارات زي وجيهكم
بدي اتجوزسعوديي تا منشان افتح محل كباب هونيك وحلاق
الحل مساعدة من اراد الزواج لئول مرة من السعوديين من بنات البلد
اذا الشاب السعودي موحاب يتزوج بنت بلده ليش نجبره
وليش تحصر البنت على السعودي من حقه تشوف نفسه
((يمكن تتزوج اخير من الف سعودي))
يا مجلس الشورى ليش ما تنا قشون موضوعنا الي من ام سعوديه واب اجنبي والله مساكين وجيزنا جيز اي مقيم ليش امنى ملها حق واقسم با الله حتى المستشفيات بفلوس ولا قمات ولا وضايف ليش احنى موعيل مواطنه شفولنا يا ولات الامرررالله يحفظكم النا
الله لا يجيب اليوم هاذا الحل اتركو هاذا شيخ وهاذ عبد وستمشي امور الناس ومسعدة من اراد الزواج وتيسير الزواج بالمهر المعقول وترك العنصرية
فتح باب الزواج لغير السعوديين من السعوديات قد لا يصب في مصلحةالرجججججججججال
لا حول ولا قوة الا بالله
اكبر غلطة زواج السعوديات من غير السعوديين وكذالك السعوديين
وذالك بسبب ضياع النسب وكثرة المشكلات لعدم التكافو وكثرة زواج المصلحة وكثير وكثير وكثير
ارجو من حكومتنا الرشيدة عدم الموافقة على المشروع
واللهم احفظ خادم الحرمين عبدالله بن عبد العزيز ووفقه للبطانة الصالحة
وصلى اللهم على نبينا محمد
طلال بكري كلام كبير جدا جدا جدا جدا جدا جدا جدا جدا جدا جدا جدا جدا جدا
عين العقل ياطلال التزواج والتراحم مع الاجانب سيضعف البنية التحتية للمجتمع السعودي
والله يامجلس الشورى ماعندكم الا ذا الموضوع
تتزوج ماتتزوج
قسم بالله فيه اشياء اهم من ذا الموضوع السخيف اللي ماهم ولا 5% من الشعب
يامجلس الشورى ( أقسم بالله العظيم ثم بالله العظيم ,,, أن السعوديات وانا بصفتي سعودية ولكن للاسف ,, لايريدن الزواج من سعودي يمشيها على العادات والتقاليد يريدن هن من يقودن المسئولية لذالك لايرغبن بتلك الزواج ...
انا ام خطب لعيالي الثلاث واقسم بالله العظيم انهم مشهود لهم بالاصلاح والخلق والدين عند امام المسجد ومستقيمون ولا يدخنون وخريجين ,,, والى الان وانا ابحث لهم عن زوجات ويريدن الستر ولكن للاسف مع احترامي لبعض الاسر الناضجة هناك البعض لايرغب بالزواج من تلك الشباب ,,, لماذا ؟؟؟ لان امهم من بلد عربي او قبل سنوات استرجعوا هويتهم الوطنية لذالك لايرغبون زواج بناتهم من تلك الشباب حتى لو كان في قمة الاخلاق والايمان والدين ... والى الان انا اسعى لتزويج ابنائي وقسمت بالله سوف ازوجهم من خارج المملكة ولكن لاعتب علينا عندما نتقدم لاابنائنا وبعض الاسرى تسودهم التفرقة والعنصرية على منشاء ولادته او لمواليده بالهوية تنهار الخطبة لسبب تافه ,, لماذا ؟؟؟ فنرجو من مجلس الشورى النظر بموافقات الزواج وان تعطى لشباب من بلغ الثلاثين عام وصاعد حتى يتسنى المواطن من الاجنبيات ..
وخلي الاجنبي يتزوج بناتنا ثم يساومها بمبلغ لبيع اولادها عليها ثم يتزوج من اخرى وهكذا كون ثرةه ..
ثم الا تنظرون كل الاجنبيات المتزوجات من سعودين ,,, كل ابنائهم وبناتهم ( يتزوجون من ابناء خوالهم ؟؟؟ لماذا لكي يحصلوا على الجنسية لذلم دائما الام تكون حريصة بزواج من ابنائها لاابناء اخيها واختها ( انتبهوا لهذه الحالة )
ثم هناك اجانب يتزوجوا من سعوديات لمصلحة خاصة وللاستفادة من المصالح الشخصية وجمع المزيد من المادة وتحويلها لبلده الاصلي وبعدما تنجب عدة اولاد يقرر تطليقها او الهجر منها ومن اطفالها وهذا مايحصل من زواج بناتنما من يمنيين وسوريين ولبنانيين ومصريين الخ من الدول الغربية ..
فنرجو كل الرجاء فتح تاشيرات الزواج من تركيا عاجل غير اجل لزواج ابنائنا من هناك لان بشر متفهم وناضج واصحاب شهادة تعليمية ومثقفات .
ماريد لا ابن بلادي ههههههههههههههههههههههه
ماريد الا ابن بلادي ههههههههههههههههههههههههه
وش فيها اذا تزوجت السعوديه اجنبي
حب لاخيك ماتحب لنفسك
السعوديه مثلك تبغى الحمر الاشقر
يابدر الشراري
اللحين يوم جاء طاري السعوديات كلن يعترض وينكم أول يوم السعودين مابقوا ديرة ماتزوجوا منها مجتمع عنصري ذكوري أناني وبعدين من أبسط حقوق الانسان أنه يختار شريكه والدين ماشرط الجنسية نساء قريش وأهم اشرف نساء اللارض كما قال المعصوم صلى الله عليه وسلم تزوجوا أحباش تدرون ليه لانهم مسلمين
أنا سعودية متزوجة أجنبي على قولكم 10س الحمد الله سعيده ومرتاحةوترى أختكم جامعية عاطلة يعني طفرانة عشان لاتقولوا طمعان فيها وهو ماديته ممتازة يكفيني منه احترامه وتقديره للمراه الله يخليه لي يارب
الله يهنيك ويسعدك ياااااا[!! عجب !!]
شفتي وشلون وصلت فيهم الانانيه والعنصريه
قالووو مايتزوجو فينا الا مشان الجنسيه او الماده
عجب من الحال وانتو يااحظي وش فيكم زين ياخذوكم مشان سواد عيونكم اووسامتكم ؟؟؟؟؟؟
فعلا سوف تزيد العنوسة ويكثر الفساد والتلاعب في المواطنات وهذا خطر يهدد الامن الداخلي مستقبلا بنت الوطن للمواطن وبس ولا تكثرو كلام. على شان اوضح الصوره اكثر الطريق الى الهاوية.
إن مجلس الشوري في تعاطية مع مشكلة العنوسة كالطبيب الساذج اللذي يعمل علي بتر الدمامل ويترك معرفة المرض المسبب لهذه الدمامل ومن ثم إذا كان مجلس الشوري جاد في إيجاد علاج ناجع للعنوسة لابد أن تكون لدية شفافية وطنية في طرح كارثة بل جريمة البطالة ومن ثم إيجاد حلول علمية عملية ومن ثم كل الدمامل سوف تختفي كالعنوسة والفقر المخدرات و الإرهاب وغيرها من المشاكل التنموية
مالذي يجبر السعودي الزواج من اجنية
1- رخص التكلفة المدادية
2-يشاهد البنت على الطبيعة بكامل مواصفاتها
3- الادب واحترام الزوج
4-عدم تتبع الموديلات والسهرات الفاضيه
5- تدبير امور المنزل بطريقة احترافيه
6- صبوره جدا لانها قد ذاقت طعم الجوع والاهانه عند اهلها
7- طباخه ماهره
8مقارننة بمصروفات السعودية مع الاجنبيةفي الشهر تتفوق الاجنبية
الخ الخ الخ الخ الخ
ياسلاااااااااااااام خبر حلو يارب يسمحون علشان اخذ مصررررررررررري
ونااااااااااااااااسه وحنااااااااااااااان وكل شي عند المصري
اختي اللي اسمها عجب
وش جنسية زوجك ممكن تخبرينن الله يسعدك معه يارب
وبعدين وشلون تزوجتي اجنبي يسمح لك
هههههه حلووووووووووووه ليس من اجل سواد عيونهن دخيل والديك لاعادتعيدها بغيت افطس من الضحك اجل الاجنبيه اذا بتاخذ سعودي بتاخذه عشان جماله والامنصبه بتاخذه لمصلحه ههههههه الله يرج ابليسك اما اللي يبي يتزوج احلى زغرووووده كلللللللوش
طيب واللي له 8 سنوات متزوج اجنبيه من مواليد السعوديه
ولي الحين 5 سنوات مقدم على التجنيس وما جت ايش يسوي !!!؟؟؟
سنويا تجديد اقامه ب 500 ريال على غير فايده
والشغاله ب 250 ريال !؟
يعنى لو اني متزوج الشغاله ارخص
يا مجلش الشورى انا ما أدري هالموضوع اللي فاتحينه هل يصب في مصلحة المواطن؟؟ طبعا لا
الله يرحم الحال
والله ما ودي افتح باب السكن لانه باب شكله بيطيح من كثر ما ينفتح ويتسكر
راح تزيد نسبه العنوسه اضعاف اضعاف وينحرفن البنات المسكينات والسبب القرارات المتخلفه وبعدين الى تبي تتزوج اجنبي هدفها الاول والاخير الخروج لبلدة وترك بلدها بس مجلسنا مدرى شلون يفكرون الحيم الاجنبي وش يطمع فيه؟ اغلب البنات عاطلات عن العمل وفقرانات كفاكم تشكيك باخوانا العرب والله انهم محترميم اكثر من عيالكم
موضوع سخيف
ضاقت المو اضيع مافيه الا ه الموضوع!!
عموما طول عمر مجلس الشورى خررررررررررررطي
اما بالنسبة للي اسمها عجب ياحضتس زوجتس اجنبي بالله فيه وحدة عاقلة تفضل اجنبي ع ابن بلدها لاعوايدهم عوايدنا ولاتقاليدهم تقاليدنا...اهنيك ع اهلك !!الله لايبلانا
واللي تقول مصري وناااااسه من اي ناحية وناسة يامحترمة!
المصري بيترك بناتهم الحلوات ويطالع فيك ياعائشة الكيلاني!!!!
اما اللي بتتزوج اجنبي الله لايردها بس تقلب وجهها لديرته فالمراة تتبع الرجل...
والله البنت العاقلة ماتتزوج الا ابن بلدها...اما طرش البحر بقلعتها فالعرق دساس
ختاما اللي تتطز وتقول من زين السعوديين !يعني انتن الحلوات!
والدليل عدد المشاغل اكثر من عددالسكان عندنا!!
الله يهنيك يا"عجب"والله حالة حلال عليهم وحراام علينا!!
واقول للأخ الفاضل سلطان:
بالنسبة للسعوديين اللي متزوجين اجنبيات فين العقل؟ يفضل الاجنبية على بنت البلد!!
لاعوايدهم عوايدنا ولاتقاليدهم تقاليدنا...اهنيهم على اهلهم وعلى عقلهم!!الله لايبلانا
اما اللي بيتزوج اجنبية الله لايرده يكفي جرجرة الاجنبيةله في المطار فالسعودي يتبع الاجنبية...
والله الولد العاقل مايتزوج الا بنت بلده...
ختاما اللي يتطنز ويقول من زين السعوديات !نفسي اشوف خشته!معروف ان البنات اجمل من الذكور غالبا!!!!!فاذا البنات مو حلوات فانتم اكيد ميح مايزينكم الا جيبوكم عشان كذا رضيت فيكم الاجنبية؟
ودليلك انقلب ضدك:اغلب المشاغل في البلد لاجنبيات من دخلهم البلدالا الدلوخ الي فاتحين فمهم عند الفضائيات؟؟؟عاد هو مسوي طيب قدام الاجنبية رجل دمقراطي رومنسي يشجع على العقليات التجارية ولو سعودية طلبت الطلب وقالت بفتح مشغل كان قال انثبري مالك الا بيتك وعيالك...
اخوي اللي تشبهني بعائشه الكيلاني اقول الله يسامحك ويغفر لك
كلن حر انا ودي اخذ مصري واتمنى ذلك
فيه دكتور عندنا مصري يقول لبوي ودي اتزوج سعوديه
انا لو يسمح لي الزوج من اجنبي كان اقول لبوي ابييييييييه
وانا مااخذت المصري علشان جماله
والجمال عندي مايهم انا يهمني الاخلاق واللطافه والحنان
غالب السعودييين عندهم جفااااف
اتمنى لو سعودي تصير امه مصريه يعني فيه عرق مصري على الاقل
ادعو لي بس
اختي بنت مكه
يحبيلك
الله يرزق كل مسلم اللي في باله
ويحصل مالا يحمد عقباه مضاهرات ومخدرات ومراقص وانحراف وووووو لا نريد اجانب الحمد لله والله ياعمري كل الاجناس في منهم الزين والشين مين قال السعوديين مافيهم مدمنين ومتظاهرين
السعوديين في منهم اللي يسرق ويشرب وطريق البحرين الشاهد! محد من الاجانب جا ضرب على راسه وقال روحوا بحرين .. .. .. اللي يحكم لايعمم ترى الاجانب في منهم اللي يسوى 70 سعودي في دينه واخلاقه .. .. ولو الاجانب زي ماقلتوا كلكم ..الرسول والله اعلم منكم وكان قالوا اية او حديث!!!
بالنسبة للسعوديين اللي متزوجين اجنبيات فين العقل؟ يفضل الاجنبية على بنت البلد!!
لاعوايدهم عوايدنا ولاتقاليدهم تقاليدنا...اهنيهم على اهلهم وعلى عقلهم!!الله لايبلانا
اما اللي بيتزوج اجنبية الله لايرده يكفي جرجرة الاجنبيةله في المطار فالسعودي يتبع الاجنبية... كم اجنبيه تعرفين قولي بالعدد ... ...ليش تحكمين وانتي ماتعرفين الاجانب انا اجنبية وافغانية ومن مواليد السعودية وسنية وعندي وطنية واحب السعودية اكثر من اي مكان على الارض لاني عشت هنا .. .. كيف تحكمين على الاجنبية وانتي ولامرة سألتي عن ولاءها وعن تفكيرها وعن اخلاقها وعن دينها !!!!
انا ماانكر ان الاجانب في منهم الفئة السيئة زي مافيه في السعوديين الفئة المتخلفة هذا مايعني اننا نعمم الحكم .. .. والله يكفيني اني اعرف ربي ورح اربي عيالي على الدين واخلص لديني والمكان اللي انتمي اليه .. .. مين قال ان كل المواطنين السعوديين يحبون السعودية ويخافون على مصالحها !!!
انا وانا اجنبيه وربي اني ابي اخدم الوطن اللي عشت فيه مو لانه السعودية لاااااا .. .. لو كنت في المريخ وعشت عمر رح اوفي له واحبه .. ..
الغلط في الزواج مو في جنسية الزوجة .. .. الغلللللللللط في اختيار البنت .. .. اللي مايختار فيها الاخلاق والدين رح يفشل زواجه حتى لو تزوج اميرة سعودية مو بس مواطنة عادية سعودية.. .. الين متى تفكيرنا منحصر على قبيلة واسم ونسب .. .. ترى الناس اخترعوا نووي ووصلوا لين الشمس وحنا او بالاصح العرب للحين يفكرون في انا ولد فلان ومن فخذ فلان !!!!
واذا كنت سعودي وبعدين .. .. ترى انا والله العظيم حاليا متقدم لي 2 سعوديين وكثااار تقدموا لي ورفضتهم .. ..لاني مالقيت الرجل اللي انا ادور عليه لو همي الفلوس ولاالجنسية كان تزوجت عاااادي اول واحد سعودي تقدم لي .. ..ترى حتى الاجنبية عندها عقل وتبي تعيش حياة تسعد فيها زوجها وتبني بيت ماينهدم .. .. حتى الاجنبية عندها قلب ووطنية واخلاص ووفاء.. .. مو ذنبنا اذا كم واحد طايش راح برة وتزوج اجنبية ماصار له يومين يعرفها وغلط ورجع .. .. لاتعممون وانتوا ماتعرفون الناس عن قرب .. .. انا افتخر اني انثى ولي تفكيري المستقل واتعامل بذوق مع كل الناس وهذا اللي يحتاجه الزواج الناجح فقط "تعاااامل" الاوراق والاسامي كلها تطير بالهوى .. .. .. انا مارح اقول والله تزوجوا اجانب ولا لاتتزوج اجنبيه .. .. كل واحد يتزوج البنت اللي حس انها قريبة من ذاته قريبه له في التفكير وطريقة التعامل واهم شي روحها قريبة من روحه .. .. ترى حتى السعودية في منها اللي قلبت حياتها زي الاوربيين وماتدري لاعن العادات السعودية ولا عن الدين اصلا!!!
وكفاية ظلم ترى الجنة يدخلونها السعوديين والغير سعوديين .. .. وعمر الوطن ماكان ورقة الوطن هو المكان اللي انولدت فيه وعشت فيه ومن خيره كبرت ...واللي ينكر الخير هذا ابن الحرام ...مو لانه اجنبي وماهو ابن الوطن .. .. ياما ناس يوفون للارض وهم يحملون جنسيات ثانية .. .. وانا رغم اني يقال عن افغانية واحمل هوية افغانية الا اني انتمي للسعودية ورح افديها بروحي مو عشان مصلحة ..لاني انولدت وعشت هنا وماعرفت وطن غير السعودية .. .. هل الحكم على انتمائي ام على ورقة !!!!
ترى الاجانب فيهم خير واصابعك ماهي سوى.. ..