آخر شهر تم صرفه ( شهر شعبان ) .... أكثر من 50 حارسة أمن بجامعة القصيم يشتكن تأخر الرواتب

شكت قرابة 50 حارسة أمن يعملن في شركة متعاقدة مع جامعة القصيم من عدم تسليمهن رواتبهن بشكل منتظم، ومماطلة الشركة لهم بين حين وآخر في تسليمهن حقوقهن المتفق عليها حسب العقد، الذي أذنت الجامعة للشركة بتوقيعه معهم.
واتهمت حارسات الأمن الشركة بالمماطلة في صرف مستحقاتهن من الرواتب والإجازات المتفق عليها مع الشركة والجامعة، مؤكدات أنهن طالبن مرات عدة بالحصول على تلك المستحقات، إلا أن الشركة تتعذر في كل مرة أن عليهن الانتظار. وأضافتن أن هذه ليست المرة الأولى التي يتعرضن فيها لتأخر صرف رواتبهن، فهذه الحالة مستمرة دون حل, مشيرات إلى أن آخر شهر تم صرفه هو شهر شعبان أي أن رواتب أربعة أشهر لم تصرف لحد الآن .
وأوضحن من خلال رسائل عدة تلقتها ( عاجل ) أن وظائفهن على قلة رواتبها تعد مصدر رزقهم الوحيد، خصوصا أن بعضهن الأرملة و تعول أيتام وكذلك مصروف وسيلة النقل الخاصة فضلا عن الأمن الوظيفي الذي يسعى له الجميع وماله من مردود إيجابي على سير العمل .
كما أكدن أن التعامل معهن يكون بنظام التهديد، ومعاملتهن بشكل سيئ، عبر تهديدهن وفصل كل حارسة تتقدم بشكوى .... هذا غير أن مدير الشركة بالقصيم هو من يتعامل مع الموظفات ( حارسات الأمن ) ومن تريد إجازة يكون الأمر شفوي عن طريق الجوال ,وكان يفترض أن يكون هناك إدارة نسائية للتواصل معهن.
وطالبن حارسات الأمن عبر صحيفة ( عاجل ) الجهات المختصة بالنظر في قضيتهن، والتوجيه بصرف رواتبهن في مواعيدها النظامية من دون تأخير، وعدم مماطلتهن في منحهن مستحقاتهن.
انازوجتي من من سوبي الشركة وستقلت وطلبت الشركة بي روتب ثلاث شهور وتصفيه وشهادة خبره لكن ما شفنا احد معحترمي الشديد
يقولو المشكله من الجامعة حيث ان دارة الماليه تتاخر في صرف الشيك
أخي الجندي المجهول رواتب زوجتك يجب أن يصرف من الشركة مباشرة عندما تكمل شهر بغض النظر هل حصلوا على مستحقاتهم من الجامعة أم لا
ولكن من المعلوم أن من آمن العقوبة أساء الأدب
ربنا ينصركم على من ظلمكم
وألف شكر لصحيفة عاجل بنشر قضيتكم
تحيااااتي للجميع
ياعم خلونا نفضح بإسم الشركة عشان يطيح كرتها لابوها من مجموعة نصابين انا اختي امس تسولف علي انه الدعوة مع المسؤل السعودي اللي يتخاطب مع البنات ويماطل فيهم لا وعلى مزاجة بعد لانه امس فصل وحدة بكلية الرس للعلوم تتوقعون عشان ايش عشان عميدة الكلية عينتها مديرة على زميلاتهم لانهم خمس او ست حارسات امن او مراقبات وهو ماعجبه الكلام هذا طنقرت معاه واتصل عليها اللي هي المفصولة وانهى خدماتها بطريقة همجية صراحة على كلام زميلاتها لدرجة انها موب عارفه ليش تم فصلها واللي يقهرك دمعة البنت المضلومة مع اني وربي ماعرفها بس تنقل لي اختي علومهم والمهزلة اللي تصير بهم ورواتبهم اللي ماتجي الا بعد طلعت الروح وغير بعد انه رواتبهم تتأخر الى اكثر من ستة أشهر ثم تجي شيكات بدون رصيد والمسئول حق الشركة يماطل اسحبو شيكاتكم بسرعة ولا ترانا بنسحب اللي في الحساب بالله ياأوادم هذي طريقة الا هذا استحقار وتلاعب وغير انه الموظفة اذا فصلوها الله يخلف عليها الرواتب اللي متأخرة لانها تحلم فيها مررة وكلها طبعا معروفة وين تروح لجيب اللي يوظف ويفصل على كيفه بمزاجية أنانية مررة اتمنى بس انه مكتب العمل يشوف له حل مع انه الشركة هذي والمسؤل حقها يقول روحوا اشتكوا بأيديكم ورجليكم لانه عارف انهم بنات وأكثرهم تتكاسل عن مشوار بريدة لمراجعة الشركة اذا كان لها اساسا فرع القصيم وربك يصبر بس.
ياااااااااااامكتب العمل تراهم مادروا عنكم مثل هالشركات ( وانا والله ماألومهم) لكن الساكت عن الحق شيطان اخرس وآسف بس والله من حرة بتسبدي على الضعيفات المسيكينات آه بس
ياناس ياعالم الجامعات والكليات الخاصة بالبنات يحدث فيها تطبق انظمة خارجة عن انظمة وزارة التعليم العالي بسبة فلانه وفلانه ..
والمشكلة انهم وكأنك ماتتكلم ولا تشتكي لأن فلانه عندها واسطة تتسبب في فصلك من الجامعه او الكليه اذا لزم الامر..هذا بغض النظر اذا كانت من جنسية اخرى وتتكلم مع ابنة البلد باسولب مقزز
تأخير بالمكافاءات والتكلم من راس الخشم وكأنهم مالكوووو الطالبات ومستعبدتهم وتحريض وتعطيل للمستقبل التعليمي للفتيات وهذا بسبب التربيه لبعض اعضاء التدريس في الجامعات......
نعزي التعليم بشتى طبقاته اذا كان لم يحكمها حسن الخلق ...
اذا كنتي مشرفة او مسئولة عن الطالبات خلي عندك دم الانظمة جابتك لهذا المكان وانتي تمثلين يد السلطه باعتبارها جهه حكوميه تعليميه بغض النظر عن انها تهتم بالتعليم...
فإذا كانت هذه حالنا في التعليم بالقصيم كله بشتى مستوياته فأين نشتكي وقد طالت الشكوى فهل لها من مجيب او ترى النور في يوم من الايام..
ارجو من لدية القلم والبحث فيما يهم مصالح فتياتنا ان يسيل بحر الوفاء اولا للوطن ثم لأخواته المسلمات في فك ماسميه الحصار التعليمي من قبل شرذمه تنظر بأفق السيطره
انا موظفة في الشركة ولي ما يقارب السنة وتعاملهم جيد ولقد استلمنا رواتب حت شهر 9 /2010 والادارة متعاونة معنا بشكل جيد
كلام ان لم نستلم رواتب منذ ما يقارب 4 شهور هذا غير صحيح لنا شهرين فقط وسوف تقوم الشركة بتسليمهنا باقي الرواتب بعد عشرة ايام فقط انا ابري ذمتي في هذا الكلام والله على ما اقول شهيد
وراه ماطلعتوا تعليقي ولا خايفين نفضح الشركه
حسبي الله ونعم الوكيل
ليش مافيه حرية رأي
ليش الللي يغلط مايأخذ جزاه
ليش تسترون على المخطئ
راح افضح هالشركه في كل مكان
ترا اوب شركة الجنوبي الي انتم تتكلمون عنها
وبعدين وين دور الجامعه المفروض تكون هي المسئوله عن الموظفين داخل الجامعه وش دخل الشركه وبعدين كل الشركات الي عندهم موظفين امن مقصرين بحق موظفيهم كذب ونهب ومماطله والشباب صابرين الله يعين الشباب مير قاله ابو يونس ما والله نفتح ؟؟؟؟؟؟........
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
مو بس الأمن ... حتى الطلاب والطالبات يتأخرون .... !!!
أول مره أشوف جامعة تأخر المكافئات والرواتب !!
إذا كان رب البيت .......................................... المثل
ويقولون إن المكافئات راح تتأخر ... بسبب إجازة عيد الأضحاى !!!!
شركات الحراسات الأمنية للأسف سيئة جدا جدا إلا ما ندر حتى لا ندخل بالتعميم
فليس هناك حراس مدربين ومتخصصين حتى يكون هناك مميزات لتعاقد مع هذه الشركات!
وكان من الأجدر والأفضل التعاقد المباشر من قبل الوزارة والجهات الحكومية مع الحراس تحت اي بند لما لها من أثار ايجابية أهمها هو الأمن الوظيفي الذي سوف يعيشه موظف الحراسات والذي سوف يكون ولائه لإدارته التي تصرف مرتبة
لان الوزارة تتعاقد مع شركة الحراسات عن كل حارس أو حارسة امن بمبلغ 3000ريال يزود او ينقص قليلا
يصرف للحارس1500ريال والباقي تأخذه الشركة !! \"وأين دور الموارد البشرية بدعم هذه الفئة!!\"
البس من الأفضل ان يعطى الحارس او الحارسة 3000ريال مع خضوعها ومراقبة الوزارة
وليس مثل الوضع الراهن العشوائية في التوظيف وكل فتره يتغير الموظفين ويأتي الجديد الذي يمكث فتره حتى يتعلم ويفصل لأتفه الأسباب مع غياب الفهم بالمطالبة بحقوقهم والجهات التي يلجئون لها لرفع الظلم
ناهيك ان النساء بهذا الأمر مغيبات ولن يستطعن بالمطالبة بحقوقهن المسلوبة لاعتبارات المجتمع الكثيرة!!
وتعليقا على رد جندي مجهول أن المشكلة من الجامعة فا اعتقد ان هناك شركة أخرى بنفس الجامعة ولم يعاني موظفيها من التأخر
اذا الخطاء من الشركة وليس من الجامعة
لكن يوخذ على الجامعة بعدم الضغط على الشركة باستخدام الشروط والتي اجزم ان من ضمنها بحال تأخرت الشركة عن صرف رواتب العاملين يحق لصاحب العقد خصم رواتب العاملين من المستخلص وصرفة للموظفين كما في عقود التشغيل لكثير من الوزارات
اخبرا اشكر عاجل لإيصال صوت هذه الفئة وندعو الله ان يحل هذا الأمر على يدهم
التعليم العالي نظامه المالي متلاعب فيه وفاشل
انا زوجتي من شهر 8 ماستلمة مكافئه لحد الآن والسبب عدم اصدار بطاقه بدل فاقد علماً انا مقدمين على الصرافه من بداية العام
كلية التربيه للأقسام العلميه بحفر الباطن
أحب أضيف معلومة هاااااامه........
حراس الأمن الرجال يعانون من نفس المشكله حيث أنهم تابعين لنفس الشركة المتعاقدة مع جامعة القصيم ولم يستلمو رواتب ولا مستحقات منذ ثلاثة أشهر
نرجوا من الجهات المعنية التدخل السريع في حل هذا الموضوع بأسرع وقت
يارجال الموظفين الحكوميين اللي بالجامعه ماتنزل رواتبهم ب 25 مثل الدوائر الحكوميه الثانيه فما بالك بالشركات المشغله !!
والله الموظف يشهق من الفرحه إذا نزل مع العالم ب 25 من الشهر !!
الظاهر اللي كاتب بأسم مها
اهو نفسه ابو مها اللي يقاله الخافور
خاف ربك الله فوقك
مصيبة اذا اسند الأمر الى غير اهله
يجب على جامعة القصيم التحرك لنصر هذه الفئة المغلوبة على امرها والضغط على الشركة حتى يتم تسليم رواتبهن أول بأول قاتل الله الحاجة وياحبذا لو يتم تغيير المسؤؤل المباشر ويوضع مكانه ادارة نسائية تستطيع معه الموظفات التواصل
ختاما جزيل الشكر لصحيفة عاجل على إيصال صوت بناتنا للمسؤؤلين وكشف التلاعب الحاصل والظلم الواقع عليهن
والله من وراء القصد
هالشركه ظالمه ظالمه ظالمه
شوف تأخذ جزاها
حسبي الله ونعم الوكيل
على كل ظالم
شركة الجنوبي كل من اشتغل فيها يتشكى
اكتب لكم هالكلمات وانا والله العظيم ابكي الرواتب تتأخر وانا ماعندي احد يوديني للدوام والحين ثلاث نقول يطلبوني لأن ماعندي شي اسدد صرت اروح للدوام على رجولي مشي والله حراام هالظلم وين العدل وين جامعة القصيم انا ماتوظفت هالوظيفة الا للحاجة ولا والله ماافكر فيهم شهور تأخير بالراتب وين الجامعة اللي كتبت معهم عقد وانا متأكدة ان العقد ينص على عدم التأخير بالرواتب خلاص غيروها والله ماعندي مانع اشتغل بألف ريال بس الراتب يجي بوقته واصرف على امي المريضة
وللمعلومية ترى اغلب الموظفات معهن بكالوريوس بس الحاجة هي خلتنا ننحد على هالشغلة مابين مطرقة الشركة وسندان التعب والظلم الحاصل
اتمنى من مديرات الاقسام العلمية والادبية الوقوف معنا في محنتنا وتوصل معاناتنا لمجلس الجامعة لإنصافنا من الشركة الظالمة 631296
أقول شركة فلس والله من الدجة روتبهن 1500 ولاهم قادرين
قال إيه قال أدارة نسائية أكيد يوظفون الواسطة أول مش ذوات الكفاءة
ثمن من يقولك تبي تخف معاناتهم لمن تصير إدارة نسائية إلا تبي تزيد أضعاف مضاعفة من المعانة الحريم بهن نجاسة لا تسلطن على بعض شف الإدارة وموظفات
ومنسوبات الكلية كل وحدة رافعة خشتها و خشمها للسما ولمن تكلمها طالبة ولا موظفة بسيطة تكلمها وهي شامة ريحة عفن..
أنا بعرف على ايش على شانهم توظفوا بواسطة مش كفئ للوظيفة ولا للمكان اللي هي عليه إلا من رحم ربي أنتي موظفة تستلمين راتب عشان هالطالبات لازم تخدمينهم بكل طاقتك لتستحقين الراتب اللي تأخذينه ..وين تروحون من رب كريم الله يمهل ولا يهمل ..بصراحة يا عزتي لنا يا طالبات نتحمل 4 سنين و يا ربي ما تنتقل لنا عدواهم والله يعين موظفات الحارسات ويفرج لهم ربي القلب داعي لكم يا أخواتي اعتبروا نفسكم في جهاد ،جهاد نسائي
تحية طيبة من صرح الصراحة..
ارفع راسك أنت سعوووودي
( ابو مها )
خاااف ربك بلي تسويه بناس ترا كل الناس عندها ضروف وحالتهم حاله
من ؟ قال ان الشعب السعودي ينعم برغد العيش قسم با لله مكولن حقنا ليين قايلين بس
انا كنت اشتغل حارس امن بجرير ببريدة
رواتبي متجي الا بعد قطع الكبد ولا يوم يجيك اراتب اخر شي تحصل 800 ريال وبدون رصيد كل مجيت بفصل ولا عندي لهم راتب اخذت عندهم فتره طويله كلها بسبب اراتب الزفت اذا جيت بفصل ولا اقل شي لي عندهم 1200 ريال اقول حرام اروح وخلي فلوسي عند ابو مها يكلها اصبر عشان اخذه
ماطل فيني اكثر من ثلاث اشهور معطاني راتبي
اخر شي فصلة وفلوسي عندهم معطوني شي جحدوني
رحت يم مكتب العمل وطلعو مكتب العمل متساعدين مع الشركه تعبت وانا كل يوم رايح مافيه حل
يناااااااااااااااس انا تعبت نفسين دورة وضيفه لييين طاح راسي ملقيت شي
وش الحل ؟؟؟ اروح اجاهد ابركلي من الحاله الي انا فيها
دوله منتجه لنفط شعبها اكل تراااااااااااااااااااااااااااااااااااااااااااااااب
يا الخافور انا اطلبك 1500 ريال راح اخذها منك يوم القيامه ونت متشوف الدرب
معليش ليش حذفتو ردي
ماقلتت شي خطا فصلت موظفه بسبب وشااااااااااااااااااااااااااايه وحده دنيئه
خلونا صريحين التفضيح سبب للنجاح وتعديل فئه
ومن الظلم الا ننتصر لتلك المسيكنه من عانت طوال الامس قهرا
فهنيئا لها نامت مظلومه وفتحت لها ابواب السماء بدعوة مظلوووووووووووم
يا عمي اتركك من الشركة الجامعة بكبره ما عطتنا حقنا حنا نستحق مكافئة قدره الفين أو الف وثمانميه عشان اشرافنا \"مراقبتنا\" العام الماضي الترم الاول بالامتحانات و الى الحين ما لتسحنا \"ما شفنا\" شيء
الى الله المشتكى وحسبي الله على كل مسئول عن طريقه ناخذ حقنا ولا سعى لنا
و الرزق عند اللي وسيعه حباله الخالق المعبود رب البريه
والله مهزله وين حقوق الانسان عن مثل هالممارسات وين مكتب العمل ووزارة العمل عن حماية هؤلا الموظفات مايكفي الاهانات اللي يشوفنها كل صباح من الطالبات المراهقات والموظفات مو بس جامعة القصيم عدد كبير من الكليات بنحاء القصيم حتى الرس وكلياته نفس المعناه ششششششششركة الجنوبي اذا موقد الششششغل تفتح المجال لغيرها مو تاخذ المناقصه وتبهذل بهالضعيفات تخيل الوحده اذا تدفع لنقل اجر توصيلها اذا صبر عليها شهر مو صابر الشهر الثاني اكيد يبي حقه وشلون يداومن هذولي وشلون يعطن النقل حقه المفروض اقل شي يفروون لهن نقل على حساب الشركه اقل شي انا اعرف وحده تركت العمل بسبب ان النقل تركها صبر عليها شهر وشهرين ومل الرجال وتركها راح يدور احد يدفع له اكيد لاكن مانقول الا الله المستعان ويصبرهم
فيه موظفات بالادبية ثنتين توهم متعينات
يحاولن يطفشن احد زميلاتهن علشان تفصل ويجيبون زميلتهم !!!
وبحول الله ينفصلن هن لان من حفر حفره لاخية وقع فيها!!!
لكن يبقى السؤال كيف تجرئن على هالسلوك ؟
اكيد الجواب هشاشة الشركة وركاكة التعيين بها
وهالخبل يطيعهن بكل شي
صدق لا قالو ما يطيح روس الرجال الا الحريم!!
لكن تعودنا ان الخطاء ما يدوم
ويوم لك وعشر عليك
وكما تدين تدان يا مدير فرع القصيم
لا حول ولا قوة إلا بالله. الظلم ظلمات يوم القيامة.
ابو نواف يسلم لي ايدينك على الكلاااام الحلووووو
وانتي ياأخ مها قصدي ابو مها الخافور مسئول التوظيف في شركة الجنوبي الحين انت من جدك تبي اعتذار من البنت اللي فصلتها ياولد ماتشتهي بعد وكيف البنشر اللي قبل فترة تقول عنه صار لك ويكلمونك الحارسات وتقول خلوكم معاي انا مبنشر ليتني داري وقتها والله اجي ابنشر لك مخك وبعدين تراك بشهادتك اللي منزوي ورا اسم بنتك ياأبو مها او نبريك منها ونقول للاخت مها انا مستعد احشرك بكشوف بنوك مسيرات دخول الشيكات في حسابات الحارسات واطلب من كل موظفة من المضلومين تاخذ كشف بنك ل 6 أشهر راحت عشان نبين بس كذب الاخ مها الا كان لك مكانة خاصة عند ابو مها ويعطيك راتبك اول بأول فهذا شئ ثاني لانه اصلا من تشوف الطريقة حقت تسليم الشيكات الجمعيات الخيرية ماصلحتها والشركه هذي عندها عادي
وبعدين من قوة عينك 50 موظفة مايستلمون وانتي لحالك تستلمين طير بس ياخاااافور حركات مراهقة عليك مادري وش تبي وحلو التعامل اجل
ياخافور سيارتك ايش على فكرة وكم رقم لوحتها يمكن اشريها منك وودي اشوفها خخخخخخخخ صح على طاري انا ابي اشوف رد واحد يمدحك غير الأخ مها لان كل من قرى الموضوع وقرا الردود عرف الدعوه ايش هي بصراحه يعني شوف لك حل في مثل ودي اكتبه بس اخاف ماينشر الرد حقي ياأخ مها واابو مها الخافور
وعلى فكرة ترى الموضوع شغال في كذا موقع والفضيحة جاية عليك يا وعلى الشركة ابو الاعتذارات وابشر والله بمن يذبح لك ويعزمك بشعيب اعرفه يمدحونه بالحيل بالرس يقاله شعيب ابو عوض وحلو انك تقيم فيه مناسبة لأشكالك
الساكت عن الحق شيطان اخرس
شركة الجنوبي سيئه لاسباب منها الآتي:
1_فصل موضفه دون سبب واضح وبطريقه همجيه لاتليق بمسى شركة كبيرة وان دل فان يدل على سؤها.
2_الرواتب تتاخر ,ويطبق بها التامين الاجتماعي احيان واحيان لا يطبق وليس لنا بطاقة تامين اجتماعي أذن اين الذي خصم من رواتبنا بسبب التامين ونحن لم نستلم بطاقة تامين.
3_مسيرات للشيكات لانستلم دائمن مع الشيك فلانعرف بعض الخصميات سبب مقنع لها
4_كل شي يتم بها بطريقه شفهيه للنقاش وللتفاهم وكذلك الفصل .
5_ليس هناك جهه لنناقش بها بها خصوماتناالاموضفه وحد واحيان لاترد علينا اذن مع من ننااقش حقوقنا.
اتمنى ان يتعدل الحال للافضل
ودمتم بود تقبلو خالص تحياتي
الموضوع لم يقف وهو بالاتجاه الصحيح بإذن الله
وليس اشهار فقط
بل تأديب وتنحية مناصب
حتى تؤدى الوظيفه بشكل مناسب
وسوف تقدم اوراق العمل والاتهامات على من أساء ومن قصر في واجبه
لانه لا يستحق هذا الراتب وهذه الامانه الموكله له
وأبشركم ياموظفين و ياموظفات
بأن الحق سوف يصل لكم عاجلاً غير آجلاً
والشكر موصول لمن ساعدنا في هذه الاتهامات الاكيده
مازال مسلسل التأخير قائماً
من لهن؟
ديوان المظالم
ام مكتب العمل؟
ام جامعه القصيم؟
ام برقية لوزير التعليم العالي
او برقية لخادم الحرمين الشرفين؟