السماح لجميع المواطنين بافتتاح مستوصفات وصيدليات خلال أسابيع

أكد مصدر مسؤول في وزارة الصحة بدء تطبيق قرار السماح لجميع المواطنين بافتتاح المستوصفات والصيدليات خلال أسابيع قليلة بهدف إيقاف بيع أسماء الأطباء والصيادلة لغيرهم لافتتاح هذه المنشآت. وأوضح المصدر أن القرار يشمل أيضا عدم اشتراط توظيف طبيب أو صيدلي سعودي لإدارة هذه المنشآت إذ سيتم الاكتفاء بمهني في أي تخصص صحي، كما سيتم تجاوز هذا الشرط في حالة عدم وجود الشخص المتخصص. وأشار إلى أن مهام المدير الطبي في هذه المنشآت ستستند إلى طبيب سواء كان سعودياً أو وافداً. وكان قد صدر مؤخراً قرار يقضي بعدم قصر فتح المستوصفات والصيدليات على أطباء سعوديين للحد من السوق السوداء والمتاجرة بأسماء الأطباء والصيادلة. تجدر الإشارة إلى أن نسبة السعودة في قطاع الأطباء لا تزيد عن 20% فقط وتحتاج المملكة وفق تقديرات شبه رسمية إلى 50 عامًا على الأقل لسعودة هذا القطاع. ويفضل غالبية الخريجين من أقسام الصيدلة العمل في القطاع الحكومي بسبب طول الدوام في القطاع الخاص لأكثر من 12 ساعة يومياً. ويواجه القطاع الحكومي وفقا لصحيفة المدينة تحديات مهمة تتمثل في زيادة التعداد السكاني بمعدلات عالية خاصة خارج نطاق المدن الكبرى مما يزيد من قوائم الانتظار، وبالإضافة لذلك يفضل الأطباء السعوديون العمل في مستشفيات كالحرس الوطني والقوات المسلحة لتميزها وارتفاع الرواتب فيها ولتواجدها في المدن الكبرى. ويتطلب تحسين الأداء في المستشفيات الحكومية والرفع من كفاءته مراقبة الجودة النوعية، ورفع مستوى الطاقم الطبي وجذب العناصر المتميزة وتشجيعها. وعلى الرغم من ارتفاع ميزانية وزارة الصحة إلى 30 مليار ريال إلا أنها تواجه انتقادات شديدة لضعف مستوى الخدمات وهو الأمر الذي أقر به وزير الصحة مؤخرًا
وليه مآ تمنع الصيدليآت نهآئيآ ويكون مرجع المريض لصيدليآت وزآرة الصحة الخآصة بالمستشفيآت .. ؟
يعني صآر الشعب يشتري من الصيدلية وعلى حسآبه ؟ وين رآحت ميزآنية وزآرة الصحة ووين رآحت الأدوية التي يتم شرآئهآ ؟
خآلي يشتري دوآء لحرقآن البول قيمته 950 ريآل ؟ وبالقوة يكفي لمدة آسبوعين .. ؟
ووزآرة الصحة مآ تصرفه لأنه مو موجود عندهآ ؟ طيب آذآ مو موجود ليه توصفه للمريض يشتريه من برى ..
الله يبشركم بالخير
خلي هالتجار في الشمال يفتحو لنا مستوصفات ومستشفيات عليها السنع
مو من اول مقتصرين على مستوصفين لان اصحابهم دكاتره والمستوصف تقل عزبة هنود
خلي التنافس يشتغل بينهم
السلام عليكم اولا والله من الفطايس بتلقها على الارصفه بسبب صرف الدواء من قبل شخص غير موهل ثانياا 30 مليار ريال ومستوصف في عنيزه مفتتح له اكثر من شهرين لايوجد فيه طبيب اسنان ثالثا كل مره تقولون يبغالنا مره 30 سنه مره 50سنه قدام من شان يكتمل العمل على هالحال خلصة الدنيا الله يعين اذا صار عدد سكان المملكه 50 مليون
لاتعليق
من المستفيد من القرار؟
نحن بحاجه الى جوده الخدمه وليس كثرة المستشفيات والصيدليات
واذا كان ينظر للقرار انه في صالح المواطنين فلماذا لايسمح للمواطن الموظف ميسور الحال افتتاح محل بإسمه او مؤسسه حتى يتحسن وضعه المادي
لايستطيع فتح مستشفى او صيدليه سوئ اصحاب الكروش الكبيره والتجار وهم ليسوا في حاجه للمال
الحين وزاره الصحه على بالهم سووا خدمه للمواطنيين ياليتهم بس يحفظوا حقوق المواطنيين الصحيه ويقدموا خدمه افضل
تمام هذه أخبار ممتازة حتى لا يكون هناك إحتكار لهذه الخدمة على أحد وتكون العيادات منتشرة بكثرة ويكون هناك تنافس في جودة الخدمة و الأسعار . والله هو الموفق
يعني مجاز ومسالخ جديده بتكثر عندنا
كويس أموكم طيبة أيها الشعب السعودي العظيم
.. تحليل مبدئي ..
.سوف يقل افتتاح المستشفيات الكبيرة في المدن الصغيرة ...
وسوف تزداد ارباح شركات التأمين لأن خيارات مقدمي الخدمة الصحية (المستوصفات) سوف تتوسع افقيا ..
وسوف يدعم هذا الإجراء عرض الخدمات الصحية .. لأن الطلب مرتفع اصلا ..وبالتالي سوف يتوازن السوق بعد خمس سنوات ..
لاتعللللللللللللللللللللللللللليق
وعلى الرغم من ارتفاع ميزانية وزارة الصحة إلى 30 مليار ريال إلا أنها تواجه انتقادات شديدة لضعف مستوى الخدمات وهو الأمر الذي أقر به وزير الصحة مؤخرًا
رقم فلكي يعادل ميزانية بعض الدول
ياترى لو وجد هذا الرقم من يحسن استخدامه
كيف يكون واقعنا الصحي ؟!!!!!!!!!!!!!
اتقوا الله فعلام الغيوب سيحاسب على كل هلله ؟!!!!!!!!!!!!!!
مسخره في مسخره
ماسلمنا من الاطباء كل يوم نسمع عن الاخطاء الطبيه واليوم تسمحون بفتح المزيد
طوروا مستشفياتنا الحكومية اولا
والله ماهمك ياوزير لاانت ولا مدراء المستشفيات الا باختيار اجمل البنات ووضعهن بمكاتبكم
ياللة شباب قطية علشان نفتح مستوصف ونجيب اطباء نخليهم يتعلمون على هاالبشرية ترى المسألة مايبيلها لاخبرة ولامكان شفلك اقدم فلة وشف شغلك
اقول عندكم بنادول
فرصتك يابوعماد ولك مني (مليون ريال) بس اسم المستشفى (مستشفى زيزو لطب الاسنان)
هذة بشرى لكل البنقالية الجحلط
والله وصدر رسمياً التلاعب والمتاجرة بأرواح الناس
احسن خبر والله
بكرى بفتح مستوصف وصيدليه اقل شي اعالج عيالي بلاش
مثل تلك الخطوات جمبلة ولكن نريد مثلها لوكالات السيارا ت أو السماح بشراءها من الخارج بدلا من إستغلال الوكالات للمواطن .
خصص وزارة الصحة الى الشركة السعودية الطبية
وسلم كل مواطن بطاقة تأمين
توجد المنافسة بين المستشفيات والمستوصفات
تكسب رضا المواطن
وتوفر المال العام
سؤال بسيط
كيف تقدر ادارة الرخص الطبيه والشؤون الصيدلية او حتى هيئة الغذاء والدواء تراقب او تتابع هالمراكز او الصيدليات اذا انتشر عددها كيف راح يكون تاريخ صلاحية الدواء وسلامة تخزينه كيف نتخيل التخصصات الي راح تعمل بالمراكز وصحة شهاداتهم وكيف ما نضمن انهم مايكونون اصلا اطباء متعاقدين في مستشفيات ومراكز حكوميه وتاركين عملهم و مراجعيهم وطالعين للخاص يتكسبون ؟؟
الله يجزاكم خير وسعتوا علينا
أنا من بكرا أفتح مستوصف وأسميه مجزرة السيف الأملح لخدمة المجرمين
طيب انا صيدلي متخرج لي سنتين وما توظفت . يعني يوزارة الصحة البنقالي وغيرة من هالجحلط بيلقى فرصتة .
لكن لنا الله .
حسبنا الله ونعم الوكيل.
يابو مشاري
يقولون لك ان وزارة الصحة سوف تبدء تطبيق قرار السماح لجميع المواطنين بافتتاح المستوصفات والصيدليات خلال أسابيع قليلة بهدف إيقاف بيع أسماء الأطباء والصيادلة لغيرهم لافتتاح هذه المنشآت
يعني مواطن عادي عنده فلوس يقدر يفتح مستوصف او مستشفى من غير ان يكون لديه شهتده صحيه ماقالوا ان راح يشتغل دكتور ويكشف على الناس
يااخي افهم الخبر كويس وبعدين علق
وهذا الصحيح فيه ناس عندهم فلوس ويبون يفتحون مستشفيات ولايقدرون بسبب شرط الشهاده الصحيه
الله يستر ----- تسير مثل التموينات في كل زاويه
الحين -- ماقدرتو تسيطرو على الموجود --- كيف بتسيطروا على هذي
احسن شيء التنافس في كل شيء لان سيستفيد المواطن عقبال السماح للمواطنين في فتح وكالات سيارات السيارات غاليه مره بارتفاع مع قله في الجوده
يعني فيه أمل نفتح عيادات شعبية اما الصيدليات والمستوصفات سوف نجد لها شروط تعجيزية مثل وضع تأمين مالي لا يقل عن 25 مليون ريال وان تكون مساحة المبنى كبر مستشفى الحمنة الواقع على طريق الهجرة السريع وان يتم شراء الاجهزة الطبية من شركة معينة وان يتم الاستقدام عن طريق وزارة الهمل اقصد العمل بشرط ان كل طبيب يستقدم يعمل في مستشفيات وزارة الصة شهر . قول بصفتي بدوي خالص اريد افتح صيدلية بيطرية وعيادة شعبية لا تقولون يوزارة الصحة الصيدلية لبيطرية عن طريق وزارة الزراعة ترى وزارة الزراعة نائمة والطاسة ضايعة فيها اما العياد الشعبية لا تقولوا بكره ممنوع استخدام الكي فيها ترى أغلب المرضى خاصةمن اهل البطون الكبار بحاجة إلى العلاج الشعبي وهو الكي بالنار
من حقي كمواطن اتعالج في مستشفيات الدوله ومجانا
وقد كفل لي الشرع ذلك
ومن حقي سرير عندا لحاجه
ومعنى افتحو مستوصفات خاصه يعني مافي عندنا امكانيات
ودبروا حالكم يامواطنين
تاني شي اذكر في تعميم وزع على الصيدليات الحكوميه معناه
( اذا لم يتوفر العلاج عليك الاتصال برقم موحد ورفع شكوى بذلك ليتم تامينه ومحاسبة المقصر ) وين راح هذا الكلام
اذا البندول مانحصله والدوائيه شركه سعوديه
وين الميزانيه ياوزير
فالح بس بدل سكن للاطباء وتدبيل رواتب لهم
محتاجين ال خمسين عام لسعودة الوظائف الطبية
المشكلة ان كليات الطب تشترط نسب عالية
ليش ما تسهل اجرات الدخول في كلية الطب ويقبل عدد اكثر
حتى يتم تغطية العجز الحاصل
والله مدري وش أقول هههههههههه
صح النووووووووووووووووووووووووووووووم بدري
الله يلعن التخلف المملكة العربية المتخلفة
خخخخخخخخخ
يعاني يبون يكثرون اطباء البيطري ويبون يعالجون الاوادم
بصراحه الصحة عندنا من جرف لدحديره وماراح نتطور
ومن شاف الاطباء السعوديين الجدد وفنون قصات شعرهم والدلع والنعومه
تقول الله يستر بس على الاجيال القادمة من هالفئة من الاطباء والمشكلة
اخطاء طبية قوية وما يعاقبون الا الاجنبي والسعودي الي ماعنده واسطه
واللي مايبقى يفتح صيدليه يفتح بقاله .
خطوة جيدة ولكن الجودة ومراعاة الله في ارواح المسلمين في ظني بتكون اخر شئ يفكر فيه المستثمرييييييييييييييييييييييييين
قالها اللي قبلي الاخ ( واحد من الشعب )
(يعني مجاز ومسالخ جديده بتكثر عندنا
كويس أموركم طيبة أيها الشعب السعودي العظيم )
لا فض فوك
مااا بعد فلونزا الخنازير شيء إذا قرب الحج نسمع عن هذا المرض
وإذا انتها الحج طار الخبر فشووش
وربي انهم لعبو على وزارة بكبرها 00الله يستر وش المرض اللي في الطريق بينضحك علينا فيه ؟؟!!!!!!
لكن سؤال من المستفيد من هذا الخبر ؟؟
سؤال ثاني ليه كثرة الصيدليات في كل شارع عشر صيدليات ؟؟؟
فيه عمليه نصب كبيرة ( نسيتوا 15مليون اللي قدمت كرشوه لأحد الموضوفين)
خذ وخل يااا وطن
اولا .. بهذا التصرف راح يفتحون باب لضياع يعني يالي تاجر بالقماش بأسواق الحريم تعال افتح مستوصف!!
بالله ايش راح يكون هدفه غير الربح وبس !
من اي عقل نتكلم
على ان في سوق سودا وتجاره بشهادة من تحت لتحت ماسلمنا من المستوصفات الربحيه كيف لو كان الموضوع مفتوح للكل ومسموح لي واحد يبغى يتاجر انه يفتح عياده !
خافو الله فينا
لا وغير كذا مايشترط يكون طبيب او صيدلي والمهني او غيره يمشي حاله
ليه فاتحين بقاله!!
ترا هذي ارواح واجسام بشر اتقو الله
وبخصوص نسبة السعوده في القطاع الطبي دامكم عارفين هذي البلوه وان اغلب اطبائنا اجانب ليه مايتم قبول نسبه كبيره بطب ليه اولادنا يجيبون نسب مرتفعه وطموحهم يكون عالي وبالاخير يكون العدد المطلوب قبوله حوالي 100 موزعه على كافة التخصصات الطبيه 40 محجوزه للواسطه والباقي يحطونهم بالمختبرات والتغذيه والتمريض
والله ان كل مالنا من سيء لاسوء
وزي ما يلعب التجار باسعار الرز والسكر والحليب
بكره بنرفع ايدينا وندعي ان سعر البندول وخافض الحراره وغيره يرخص
انشري ياعاجل خلي الكل من الحين يشتري مونته من الادويه