مواطنان يطردان إمام جامع رسمي بوادي الدواسر ويمنعاه من الصلاة أمام المصلين

تعرّض إمام جامع رسمي بوادي الدواسر إلى تعدّي مواطنين عليه بالإهانة والطرد من بيت الله غير مبالين بحرمة المسجد واحترام الأئمة ، حيث قاما برفع الصوت والتلفّظ عليه بألفاظ نابية ، محتجين أنهما المالكين لهذا المسجد ولهم حق التصرّف فيه ، حدث ذلك حينما هم الإمام بالدخول في صلاة العشاء ، إذ قام أحدهما بطرده أمام المصلين وإهانته ، والآخر برفع الصوت والتلفظ بألفاظ نابية في بيت الله العظيم ، وقد تم كتابة محضر بالقضية ، حيث وجّه مدير إدارة الأوقاف والمساجد والدعوة والإرشاد خطابا عاجلا إلى محافظ محافظة وادي الدواسر للنظر في الموضوع لتجرؤهما على بيوت الله وأئمة المساجد ، وجاري النظر في القضية....يذكر أن الجامع يقع تحت مسئولية إدارة الأوقاف والمساجد .
بسيطه اقطعوا وظائف ائمة المساجد والمؤذنين ونشوف كيف ؟!
هل تظهر مشاكل على المساجد ؟!!!
مالهم حق إذا كان من الصالحين ظاهرا ويجب إحترام المساجد والخشوع وعدم إثارة البلبلة . إلا إذا كان الموضوع ناقص فهذا شئ ثاني
خطابا عاجلا إلى محافظ محافظة وادي الدواسر
أهلا بك عزيزي كاتب الخبر وأشكرك على هذا الخبر لكن لدي وجهت نظر أو معلومة لك حتى تتجنب الخطأ في المستقبل
الكثير يقع في هذا الخطأ حيث يكتب محافظ محافظة كذا
وهو من المعروف أن المحافظ لا يكون في المدينة أو في القرية المحافظ يكون في المحافظة
فمن المفترض أن تكتب
محافظ وادي الدواسر
وهكذا سوف يعرف انا وادي الدواسر محافظة لوجود محافظ فيها
أعتذر على هذه الاطالة وأشكرك عزيزي
بعض الناس يغارون موت موت من اهل الدين وخاصه من الائمه اللي في المساجد او الجوامع
يحسدونهم على كل شيء
لاحول ولا قوة الا بالله
وش صاير بالناس
الله لا يفضحنا
من مضاربة بالمصاحف والرفوف في يوم جمعه
الى طرد امام
هل هذا تصرف من في قلبه ذرة ايمان ؟!!
هههههه ما استغربت من الوضع في وادي الدواسر
تعالوا عندنا بالرياض تشوفون الهوايل
عندنا نفس الشيء فيه شايب باني المسجد يتحكم فيه على كيفه كل شهر مطير الامام او المؤذن ويتحكم في الصلاة متى تقام والتراويح والقيام
ويصارخ بالمسجد على المؤذن والامام ممنوع القنوت
والي مو مصدق يجي شارع عبدالرحمن بن عوف باتجاه مقبرة النسيم اول مسجد بعد اشارة احمد بن حنبل
هذي ماهي اول مره يتم الاعتداء على اامة المساجد في وادي الدواسر
انا اطالب اتخاذ قرار حاسم في هذا التعدي السافر والمشين والمخجل والفاضح والمهين لهؤلاء الذين يحسبون ان مساجد الله ملك لهم يتعدون عليها وينتهكون حرمتها
المفترض يكون هنااك قرار رفيع المستوى بايقافهم والتحقيق في الواقعه وايقاع اشد العقوبات عليه اقلها الجلد لكي ينردع كل من تسول له نفسه القيام بهذا العمل المهين والسافل والتعدي على بيوت الله والاستهتار بها.
والحمدلله وحده والصلاة والسلام على مالانبي بعده.
اتوقع انه ها الامام يطول في الصلاة وعشان كذا طردوه ياناس ترى فيه ائمه يطولون في الصلاة وما يراعون المصلين والله ان فيه امام عندنا نفسي اطرده يا هو يطول في الصلاة تطويل في مسجد الفقهاء السبعه بالمدينة المنورة تصدقون اننا نصلي التراويح والقيام في مسجد بعيد عنا بسبب الاطاله في الصلاة الله يهديه بس
انا ارى لو تكون الامامه وضيفه رسميه بمرتبه وعلاوه مثل باقي الوضائف ثانيا يجب تغيير الامام كل ثلاث سنوات سواء الامام او المذن جيد او سيء اذا كان سيء يفتكون اهل الحي منه واذا كان جيد يستفيد منه اهل حي اخر 0 اما مدرس راتبه سبعة عشر الف ريال وياخذ راتب المسجد اربعة الاف وخمسميه والا قاضي راتبه كثير وياخذ راتب المسجد وفيه ناس خريجي جامعة الامام حافضين القران الكريم ماحصلو وضايف مشكله
باختصار وزارة الشئون الاسلاميه والاوقاف نائمه حتى يأتي أمرمن خادم الحرمين الشريفين بتحسين أوضاع الأئمة والخطباء والمؤذنون وحمايتهم من أذى الأشرار00000000000ناصح أمين0000000000
انا ابشركم عقب ما تولى الامامه شاب متهور في المسجد الى جنبي تركت المسجد وبديت اركب سيارتي واصلى بمسجد ثاني ومالك بالمشاكل كان عندنا امام الله يذكره بالخير 26 سنه والناس مبسوطه لا مبالغه ويعلم ان الله يسمع الدعاء ولوكان المايكرفون مهوب عالى وبعد ماراح جانا امام همه يدخل السماعه بفمه وهو يقرا والله اننا نسمع صوت اضلاعه من قوه المايكرفون ولا قلنا شي قالو انت ما تحب الدين وخليت المسجد لهم لى سنتين وانا اصلى بمسجد بعيد اروح بالسياره
الي يقول اقطعوا الراتب عن الأئمة والمؤذنين مسكين واضح انه يحمل في قلبه حسد والا وش دخل الراتب بالمشاكل ؟؟؟المشاكل ماتجي الا من ناس مريضة زيك ماهمهم الا كم راتب فلان وكم راتب علان ؟؟؟وثاني حاجة الأئمة ياأخي تاج روسناومهنتهم هذي هي مهنة النبي صلى الله عليه وسلم والدولة حرسها الله اهتمت بهذه المهنة الشريفة تقديرا للقائمين بها الله يثبتهم ويستاهلون أكثر ***
اتوقع ان الاخوان ذولا مفطرين بزيت فرامل وضربة فيوزاة روسهم وتوقعو ان المسجد احد احوشتهم
الحمد لله رب االعالمين : اذا قام فاعل خير ببناء مسجد ثم أوقفه لوجهالله أو عومل المسجد معاملة الموقوف بالصلاة فيه فليس لمن بناه أن يتحكم فيه لأنه خرج من ملكه بالوقفية أو تسليمه لادارة الأوقاف لأن الوقف لايجيز الشريعة الرجوع عنه فهو اقرار لازم لايملك الموقف الرجوع عنه
لا حول ولا قوة الا بالله
ماهكذا تحل الامور ياشيبان اقريح
ابلشونا الشيبان والمسجد مو لهم عاد وشلون اذا كان هو اللي بناه من حسابه
والله ياخوان فيه شيبان يرفعون الضغظ في المساجد ومن المشاكل
1- اذا دخل طفا المكيفات مايبيها ويلطلط بالهرج كنه هو اللي يسدد الكهرب ولا مافيه الا هو بيصلي
2- اذا تاخر الامام طلعت الشياطين عنده ويقيم الصلاة وهو مو المؤذن طنش الموؤذن والعالم (اقول صلوا هذا امام اثل والشرهه على اللي حطه......)
3- في عز الصيف يقولك لبش ما تفرشون بالحوش بالبراد والله ياخوان الحراره بالليل 40 درجة مئوية
4- تعرفون بعض الاطفال يطلعون اصوات وحركات لعب بالصلاة اطفال يبيلهم مربي ينصحهم ويعلمهم الصح من الغلط اخينا بالله الشايب يقوم وجلد فيهم قدام والده واخوانه والطفل افلقني اذا جاء للمسجد بعدها
5- الله يكرمكم يضف الاحذية ويرميها من الدرج تحت بالشارع وهو يقول ( مابقا الا تدخلونها معكم في المسجد ) واذا خاصوا الجماعة من الصلاة يمكن وقت الصلاة 10 دقائق وتدوير الاحذية نصف ساعة
6- اذا طلع هو مصلي خلاص مر على الكهرب وطفا الانوار وقفل الباب ويقول للجماعة اللي يصلون بسرعة ولا قفلت عليكم ثم هم من الهبلة يمرشون الصلاة ويمكن يقصرون وهم من اهل الديره
7- يمر على دوراة المياه اذا فيها احد سكر الماء واذا مافيها احد قفلها
وهذا بعض المشاكل والله يعين مافيه تفاهم ولا مراعات للناس اللي يصلون في المسجد خلاص المسجد بالحرة له هو وبني جنسه والباقين بتصلي ولا رح شف مسجد ثاتي ودك تدخل ايدك بافمه وتطلع التقويم المتحرك وتنسبه في جبهته بس وش تسوي شيبان الله يحسن خاتنتعن وخاتمتنا
اللي رمز لاسمه بخااااص تقول (ودي الدوسر والخبر وحفر البطن والطايف يبلها تديب موطنيها ) اه يالقهر الله يكسر يد اللي علمك الكتابه هالحين ودي الدوسر يعني وادي الدواسر
وحفر البطن يعني حفر الباطن 00000 انحفر بطنك يالداج
وتقول يبلها تقصد يبي لها عساك تبلك الناقه الجافله اللي تغير ملامحك لين يستنكرونك اهلك
وتقول تديب تقصد تاديب ياجعل يدبك الذيخ اللي يقطع قلبك
وتقول موطنيها تقصد مواطنيها توطنتك النمله اللي تمرج عقلك يهببببببب انت واشكالك لعبتو باللغه
انشرو فديتكم قهرني باخطاءه الفادحه انشرو من مبدا حريتةالتعبير
لى كل من أتهم أهالي وادي الدواسر سواء باديه أم حاضره اتق الله
ياأخوان وادي الدواسر من سكنه هم إخوانٌ لكم في الدين والإسلام ولافرق بين عربي ولا أعجمي إلا بالتقوى .
أما من كتب أنهم ((الله ياخذكم ناس مقذمة حبوب ومسكت خلط على إمامة المصلين
حتى المساجد ما سلمت منكم
المشاكل كلها من البدو مو راضين يتعلمون على بالهم انهم رجال اذا سوى الواحد كذا
يحبون المشاكل والتبلي على المسلمين
ناس مهايطية )))
فأقول له كماقال الشاعر :
وإذا أتتك مذمتي من ناقصٌ =فهي الشهادة لي بأني كامل
والخلاف يأتي بين الناس كلهم ولكن إذا جماعة المسجد نقدوا إمامهم أو ما أرتضوه
فشرعاً لاتجوز الصلاة خلفه أوبالأحرى لايجوز أن يصلي بهم.
ثانياً : ياأيها المسلمون الإمامه مسؤولية عظمى !!
انتبهوا بارك الله فيكم
وأهل الوادي اهل الكرم وأهل الشجاعه في الجاهليه والحضري أخو البدوي حاميه وممنه في الجاهليه ,أما في الإسلام الله !!
يعز السعودي لسعوديه =لولاه ماطالت قرون النعيميه=حكم على شرع وأحكام سياسية=سبحان رب السماء والأرض سبحانه
يمكن رافع صوت المكرفون جزاه الله خير وفيه ناس مرضى وكبار سن الدين يسر وبشروا ولا تنفروا.
لاخوة الاعزاء صباح الخير.اولا لا يجب ان يسمع الشخص من طرف واحد ثم ان بعض الائمه هداهم الله يعتقد ان المسجد ملك له فيفعل فيه ماير يد وهذا مخالف للعرف والدين وما ظاهرة رفع اصوات مكبرات الصوت في المساجد بشكل مزعج الا احدي تلك الصور فالتعاون بين الامام والمصلين مطلوب في كل الاحوال وكذلك تقبل الرأي الاخر مطلوب والسلام
وبعض الائمة قولهم كعقول الاطفال الصغار يرون انفسهم فوق مستوى البخاري وممنوع توجيهه او معارضة مايقوم به وكأنه بشر منزل
فعندنا في قريتنا الواقعة بمحافظة البكيرية امام بتشفي من اخصامه او اخصام احد اقاربه بخطبة الجمعة طبعا بطرق غير مباشره ولكن بطريقة اياك اعني علما انه اتي لامامة المسجد طمعا في المال و الوظيفه وليس خدمة للمسجد او جماعته وعمره صغير والواسطة هي من اتى به لان تخصصه ليس شرعي حسب مايتطلبه النظام ؟؟.
هذي الشغلة ما هي غربية لسبب وازودكم من الشعر بيت ناس متضاربين
على سكن بيت المسجد وكلن بيصير امام المسجد عشان يا خذ السكن
مهزلة صار الدين تجارة
( محتجين أنهما المالكين لهذا المسجد ولهم حق التصرّف فيه ) شوي ويبيقولون
للمصلين الي ما قط في بناء المسجد يطلع انهبلو ذاء العالم
لا تلومونهم ربما معاهم حق لأن ((( فيه أئمة ماحفظوا واصواتهم نشاز ويتأخرون )))
وكل الهدف هو بيت المسجد والراتب !
مثل إمام عندنا له خمس سنوات يردد علينا نصف جزء عم قصار السور وخاتمة سورة البقرة وصوته اللهم لك الحمد يضغط الحروف على باله السديس وهو يزاعق !!
طفشني من المسجد ، لا ومن زين الطبايع ينافخ عندما نصحته بترقيق صوته وحفظ السور الطوال !!.. ويقول انا قريت على مشائخ كبار وأجازوني !
للاسف جماعة مسجدنا ماعندك احد ياليت عندنا من هالأثنين الشقرديه كان كرشناه من اول سنه جثم فيها على مسجد حارتنا !!
لاتستغرب اى خبر عن وادي الدواسر لانها محافظه محرووووووووومه من الخدمات الاساسيه ويفوق عدد سكانها 250 الف وجميع الدوائر الحكوميه فاشله لاتقوم بواجباتها لان مدرائها غير مؤهلين اول منقوليييين تاديبي (( البلد ضاااااااااااااايع))
الجميع
تقبل الله صيامكم
نسال الله العفو والعافية
لازم تسمع القصة من جميع الاطراف
والله يهدي الجميع .....
الملكة
تقولين (المشاكل كلها من البدو مو راضين يتعلمون على بالهم انهم رجال اذا سوى الواحد كذا)
كلامك مردود عليك المشكله تخلف وقصر نظر سواء من البادية وا غيرها
وانا اعرف اكثر من مسجد كل يوم فيه (هوشه) بين الامام والمؤذن واخرها امس
بعد صلاة الفجر في مسجد ........ بالحي ............... والاملم والمؤذن حضر ماهم بدو
والله العظيم اني صادق ..
وبعدين اسالي الوالد او اخوك الكبير وش صار من هوشات ومضاربات في جامع الملك
فهد الله يرحمه كلن يبي يصير امام واطراف القضية دكاتره بالجامعه ومشايخ (واساليه هم حضر والا بدو) .. وردي علينا لا تسفهينا هاه
اسف للاطاله ... الهم اني صائم
ابن عبيد
بسم الله الرمن الرحيم
ان الحمد لله نحمده ونستعين به و نعوذ بالله من شرور انفسنا وسيأت اعمالنا ، من يهده الله فهو المهتدي و من يضلل فلن تجد له سبيلا.
اقول و بالله التوفيق
قال تعالى( و أن المساجد لله فلا تدعوا مع الله أحدا ).
هذا الموضوع يثير كثيرا من القضايا الخاصة بالمساجد و من يقوم عليها و من يخدمها. و من المعتاد اان من يقوم بخدمة المسجد ،( اما عن طريق اعمار كامل له من دفع تكاليف تشغيلية اوكهرباء او ماشابه يكون هو المتصرف بإمور المسجد فإذا الدولة حفظها الله من بناه فهي تتصرف بالمسجد فمن شأنها هي وحدها ان تأمر و تنهى و تتحكم في المسجد. اما اذا كان غير ذلك فأصحاب المسجد هم من يتحكم به(بختصار).
على شرط ان ان يكون المتحكم بالمسجد لا يتلقي اي مساعده خارجية من الحكومة او اى شخص ا جهه اخرى. كأن يكون مسجد داخل مزرعة فلان من الناس او داخل قصر فلانتان
هذا و الله اعلم و صلى الله على سيدنا محمد و آله وصحبة وسلم.
تراى اللى فوق مهيب فتوى - يقعد الحين يسكر موقع صحيفتنا المحبوبة عاجل
وجهة نظر بس.
يجب محاسبة هؤلاء الجهلة والا تجرأ هم وغيرهم الى اكثر من ذلك كأن يمنعوا المصلين من الصلاة بحجة انه مسجدهم كما يدعون
قاتل الله الجهل
الموضوع .. وتم رفعه للجهات المختصة لتحقق فيه ..
لكن .. ياأخوان يا مسلمين .. ونحن بشهر رمضان اوغيرة ..
اتمنى ان نترك العنصرية بالردود .. سواء بالأصول او بالمدن والمناطق ..
ونحصر الفكر في المشكله المطروحه ..
الحمدلله والشكر على نعمة العقل
والله ثم والله لو بيدي الامر اني اسجن اللي طردوا الامام واعلمهم الادب
اي دين هذا تقوم بطرد الامام امام الناس وتتلفظ عليه كلمات بديئه وسيئه
المفروض ان الخطاب موجه للشرطه وهيئة الامر بالمعروف والنهي عن المنكر
لأنهم متخصصين لمثل هذه المشاكل اللي تحصل داخل المساجد
والمسجد له احترامه وتقديره تجي انت يالسمرمدي وتطرد الامام ياللي ماتستحي على وجهك
المفروض انهم يجلدون جلد مبرح حتى لا تتخذ طريقتهم المثل الاعلى لاصحاب النفوس الرديئه والدنيئه
والله لو أنهم مومسنودين ما سوو شي
يوجد حواري في المملكة لابد من عمل حل سريع لهم
ولا بيمادون في غيهم
ياجماعة انا من وادي الدواسر
وبقول لكم الصراحه اللي يبي يعرف أهل الوادي يزورهم
حطموا الرقم القياسي في الحسد والغيبه والنميمه
حطموا الرقم القياسي في الهياط
حطموا الرقم القياسي في قطع الاشارات وعكس الطريق والتفحيط في وجيه الناس
وسلم لي على الأبيض
حطموا الرقم القياسي بإطلاق النار على الفاضي على باله بطل
والقائمه تطوووووووووووول ولا أقول الا الله يخلف عليهم
وترى القائمه مو كل أهل الوادي أغلبهم (( لكن الحسد أفففففف ياكثره بينهم ))
أما البدو لاغبار عليهم
عمومآ أغلب المساجد في المملكة كلها مشاكل وفية كبار سن للأسف فاضين
وشغلهم أمام المساجد وتتبع أخطاءة خذ مثلا عندنا مسجد كلة مشاكل
أزعجو الأوقاف با الشكاوي والأسباب واهية وغير منطقية الله يعين
ائمة المساجد على هاالفاضين
يامعذربين البدو ويش العذاريب
.................ياللي هدفكم بالعذاريب حنّا
خابا عليكم ناعسات الرعابيب
................في ساعتنا فيها الطريح ايتمنّا
والبدو ماهم نزل من عالم الغيب
...................من العرب كنّا وفيها سكنّا
وانتم علينا تصنعون الأكاذيب
..................يالله عسى من جابكم مايتهنّا
سوالكم بارض العروبه مقاضيب
.................واليوم غزو افكاركم هاجمنّا
ودخلتو الوسواس بين الاصاحيب
.................وشفنا النفوس الطيّبه يكرهنّا
وافكاركم فيها شرار ومشاهيب
..................وشبيتو النيراان حتى احرقنّا
ومن الحسد فيكم روايح وتعطيب
...................وعلى معيشتنا العيون احسدنّا
وزرعتو الزرنيخ مع فايح الطيب
.....................حتى تلوث جونا من دخنّا
غير النفوس اللي بها الشك والريب
....................وافكاركم عن بعضنا فرقنّا
ومن يصنع الفتنه وراه العواقيب
.................ياخذ جزاها اللي علينا تجنّا
وندري ورى الفتنه تصير الأسابيب
..................وكل النوايا الغامضه ماخفنّا
وقلتم وشلنا والجوارح معاطيب
...................نبي انلف اعضامنا في كفنّا
ومن كثر ماقلتم نشيل الأصاويب
...................حتى تسيل ادمينا من بدنّا
نبي نغطي فاضح العيب با لجيب
...................لاكن نوايا قلوبكم فجرنّا
وكان الهدف منكم تعامل تجاريب
..................ماكل من يطمع ابغزوا تهنّا
تضيع حسبّات النجوم المراقيب
.................ومعلوم وان دار الفلك غيبنّا
ونرضى بلبس البشت لو مابها جيب
................يوم القلوب الغافله سكتنّا
واللي سكت عن صايب الحق ومصيب
................مثل اللذي من خلفنا كد طعنّا
والا اعترفا بالخطا مابها العيب
..................العيب باللي يحجب الحق عنّا
وان كان حنّا خاينين المعازيب
...................ترى بالشرف والمروهكان خنّا
ومن خان عهده بالظروف المصاعيب
..................تشلع اشجرته لو ورقها اخضرنّا
وحنّا اهل اللزمات وقت المصاعيب
.....................وحكامنا من فضل الألاه~منّا
واللي نوانا بالمضرهوتخريب
..................عليه برب العباد استعنّا
وحنّا هل الشيمات واهل المواجيب
..................وافعالنا وامجادنا شرفنّا
وحنّا هل الغيرهو حصن الاطاليب
...................بيّاعت الارواح من دون منّا
ولاطب ديرتنا شراذم واجانيب
...................والروس تاقع عند سوقة ضعنّا
وحنّا الحرار اللي تعلّى المراقيب
.................يالجاهل اسئل قمة المجد عنّا
وافعالنا بمعسكرات اللواليب
..................يوم السباع الجايعه يشكرنّا
يومنّها في مرهفات المهاديب
....................تعرف مواقعنا ويعرف وطنّا
لنا على كل الجزيرهمضاريب
................ومنها نشينا وانتمينا وكنّا
حنّا عيال اليعربي بالتعاريب
....................طوبن سمرن لقحن وانجبنّا
وادي الدواسر تحتاج الى كمندوز ذوي كفاءة عالية والى اسطول من طائرات الاباتشي ولا يمنع أن تستخدم هناك طائرة بدون طيار لتليين بعض الرؤوس القاسية !!!!